Publikon fotografi të ndryshme me bikini – Vesa Smolica shprehet se kjo nuk do të thotë që ajo po kërkon të abuzohet nga meshkujt

Këngëtarja Vesa Smolica është duke shijuar së fundmi disa ditë të mira pushimi.

Ajo ka zgjedhur rivierën turke, për të kaluar pak ditë jo-produktive larg aktiviteteve të përditshme.

Teksa po i mban të azhurnuar ndjekësit e saj në rrjetet sociale për më të rejat e saj, Vesa nuk po heziton që të trajtojë edhe çështje të ndryshme që lidhen me aktualitetin në Kosovë.

Së fundmi, këngëtarja nga Gjakova publikoi një sërë fotografish atraktive në rrjetin social Instagram, ku shfaqej mjaft tërheqëse në bikini në plazh.

Në mbishkrimin e tyre ajo pati një mesazh për gjininë mashkullore, duke theksuar se këto imazhe nuk janë publikuar me qëllim provokimi por me qëllim suksesi, pasi ndjehet mirë në trupin e saj të tonifikuar.

“Burra të dashur, në qoftë se mendoni se jemi duke i postuar për ju këto lloj fotosh, e vërteta nuk qëndron ashtu. Ne e duam dhe respektojmë trupin tonë dhe nuk ka asgjë të keqe me e shfaqë secila në mënyrën vet. Nëse unë i postoj këto lloj fotosh, nuk po kërkoj të abuzohem dhe ngacmohem seksualisht, nëse prisni diçka tjetër nga vajzat tuaja ndryshoni religjion dhe nacionalitet, ka vend edhe për të tilla rregulla dhe njerëz që ju kërkoni, këtu jo! Mbrojini çikat tuaja”, ka shkruar Smolica në Instagram.

View this post on Instagram

A post shared by VESA SMOLICA (@smolicavesa)

Ky reagim i saj vjen pas një rasti të paprecedentë që ndodhi në Ferizaj pak ditë më parë, ku një 18-vjeçare u privua nga jeta për shkak të dhunës së ushtruar nga partneri i saj, i cili tani ndodhet në arrest.

Një ngjarje e tillë ka shokuar mbarë opinionin dhe ka ngjallur reagime të shumta. /Telegrafi/