Ministri i Punëve të Brendshme, Xhelal Sveçla ka thënë se ka kërkuar nga Inspektorati i Policisë së Kosovës inspektim mbi trajtimin e rasteve të dhunës në familje nga zyrtarët policorë dhe hetimin e personave të përfshirë në vrasjen e Marigona Osmanit.
Ai në konferencë për media ka theksuar se shumica e grave në Kosovë janë vrarë pasi që është ushtruar dhunë sistematike ndaj tyre, e që të njëjtat edhe i kishin raportuar këto raste. Veç tjerash, ka përmendur edhe 136 veprat penale të Dardan Krivaqës, si i dyshuari kryesor për vrasjen e 18-vjeçares në Ferizaj.
“Janë krijuar banda e klane që për përfitime të tyre nuk u ka interesuar cenimi i jetës a pronës së qytetarëve dhe drejtësia për ta nuk ka ndodhur. Kjo ka ndodhur në 20 vjetët e fundit. Porse kjo duhet të marrë fund tash. Sepse njerëz që u kanë duartrokitur veprimeve e mbuluar veprave më nuk do të ketë. Nuk do të lejojmë ndërhyrje dhe bashkëpunime me grupet e personave kriminal dhe asnjë ndikim tjetër, sepse nuk do të ketë më ndërhyrje nga lartë në drejtësi, përveç këmbëngulje në kërkim të saj”, ka thënë Sveçla.
Duke iu referuar rastit të fundit tragjik, ministri i Punëve të Brendshme ka theksuar se kanë marrë disa veprime për hetimin e të kaluarës së dy kriminelëve që morën jetën e 18-vjeçares nga Ferizaj.
“Me urgjencë kam kërkuar krijimin e grupit brenda drejtorisë të përgjithshme të policisë që të hetojnë të kaluarën e kriminelëve të përfshirë në rast, si dhe nga Inspektori i Policisë së Kosovës të fillojë menjëherë inspektim të jashtëzakonshëm mbi trajtimin e dhunës në familje nga zyrtarët policorë të Kosovës. Raportet e dy akterëve do të shpërfaqin angazhimin e institucioneve mbi zvogëlimin apo eliminimin e dhunës në familje apo rasteve të cilat përfundojnë me fatalitet”, tha Sveçla.
Ministrja e Drejtësisë, Albulena Haxhiu tha se përmes dominimit të mentalitetit patriarkal, burrat konsiderojnë që kanë të drejtën të ushtrojnë kontroll mbi gruan. Ajo u shpreh e bindur se kjo gjendje do të ndryshojë, duke përmendur disa nga hapat që kanë ndërmarrë.
“Kjo gjendje do të ndryshojë dhe duhet të ndryshojë. Dhe për këtë qeveria do të angazhohet maksimalisht duke filluar me reforma të thella qoftë në arsim, ekonomi, drejtësi, këto tri elemente janë shumë të rëndësishme për ta ndryshuar gjendjen në Kosovë. Do të angazhohemi fuqishëm në këtë drejtim. Si Ministri e Drejtësisë e kemi përgjegjësi koordinimin institucional në raport me rastet e dhunës në familje. Ne tashmë kemi zgjedhur koordinatorin institucional kundër dhunës në familje. Kemi themeluar grupin ndërministror dhe është funksional si asnjëherë më parë”, ka thënë Haxhiu.
Ajo është pyetur për pjesëmarrjen në protestën e djeshme, ku tha se kjo ka qenë për shkak të revoltës ndaj sistemit të drejtësisë. Ajo ka kërkuar dënim maksimal të personave të përfshirë në vrasjen e Marigona Osmanit.
“Arsyeja se pse unë kam dal dje në protestë dhe do të vazhdojë të dal sa herë ka mosfunksionim të sistemit të drejtësisë. Kjo është edhe si shenjë proteste ndaj mungesës apo ndaj mos veprimit të institucioneve të drejtësisë… Siç jeni në dijeni Ministria e Drejtësisë ka nisur një reformë të thellë për sistemin e drejtësisë, siç është vettingu në sistemin e drejtësisë. Ne besojmë që është mekanizmi apo çelësi i vetëm që e kemi në dispozicion për ta bërë sistemin e drejtësisë të pavarur profesional edhe efikas”, tha Haxhiu.
Në këtë konferencë për media, Albulena Haxhiu ka thënë se për të operuar si duhet një strehimore brenda vitit i duhen rreth 60 mijë euro. Për këtë u zotua se janë duke punuar që vitin e ardhshëm të ketë mbështetje të duhur të strehimoreve në vend.
Lufta Prigozhin - Putin
Më shumëNga Rubrika
Arrestohen dy të dyshuar për hedhjen e granatës nëntorin e vitit 2023 në Prishtinë
Në 25 vjetorin e OSBE-së në Kosovë, Kurti: Ky mision ishte dëshmitar i një prej masakrave më të tmerrshme
Dugolli: Nuk e bëjmë Asociacionin pa njohjen e Kosovës de facto nga Serbia
Ymeri ia përkujton Halitit të VV-së: Ke shkelë mbi nënshkrimet e 200 mijë qytetarëve
Dugolli: Nuk e bëjmë Asociacionin pa njohjen e Kosovës de facto nga Serbia
Berisha: Takimi me Martin Berishajn nuk e ndryshon qëndrimin tim për aferën GEN
Kryeministri serb: Serbia e gatshme të bëjë kompromise me Kosovën
Arrestohen dy të dyshuar për hedhjen e granatës nëntorin e vitit 2023 në Prishtinë
Si u nxor nga konteksti fjalia ku Edi Rama e përmendi SHBA-në si “një nga tri të këqijat e botës”?
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Derisa Serbia viktimizohet në UEFA, huliganët e tyre përleshen masivisht me policinë gjermane
Arsyeja pse Danimarka përfundoi mbi Slloveninë përkundër pikëve dhe golaverazhit të njëjtë
Arrihet marrëveshja: Chelsea transferon sensacionin e Barcelonës
Ishte cilësuar si armë sekrete, droni nënujor i ushtrisë amerikane shfaqet ‘befasisht’ në imazhet e Google Earth
Përvojë e pazakontë, 28-vjeçari nga Çikago iu nënshtrua transplantit të veshkës – gjatë tërë ndërhyrjes kirurgjikale qëndroi i zgjuar
Lajm i mirë për mërgimtarët nga Zvicra dhe Gjermania që planifikojnë të vijnë në Kosovë