Një numër i konsiderueshëm i pjesëtarëve të Policisë së Kosovës ende nuk kanë marrë asnjërën dozë të vaksinës kundër COVID-19. Policia ka konfirmuar se 70 për qind e stafit kanë marrë së paku njërën dozë të vaksinës.
Megjithatë, numri i atyre që kanë marrë të dyja dozat mbetet i vogël. Ekspertë të sigurisë thonë se vaksinimi duhet të jetë obligim për zyrtarët policorë, pasi e kundërta paraqet rrezik për sigurinë publike dhe funksionimin e këtij institucioni.
Rreth 2700 pjesëtarë të Policisë, apo 30 për qind i numrit të përgjithshëm, nuk kanë marrë ende asnjërën dozë të vaksinës kundër COVID-19.
Të pyetur se sa është numri i punonjësve të këtij institucioni që janë vaksinuar me njërën ose të dyja dozat, në Policinë e Kosovës kanë treguar vetëm përqindjen – pa specifikuar dozat.
Zyra për Informim, Policia e Kosovës: “Policia e Kosovës aktualisht ka mbi 9 mijë punonjës. Ju informojmë se vaksinimi i punonjësve të Policisë së Kosovës është duke vazhduar dhe shkuar sipas planifikimeve dhe do të vazhdojë ditëve në vijim, ku deri më datë 19.08.2021 janë vaksinuar mbi 70% të punonjësve”, kanë thënë nga Policia e Kosovës për ATV.
Përkthyer në numra, 70 përqindëshi, nënkupton se rreth 6300 pjesëtarë të forcave të rendit kanë marrë së paku njërën dozë, dhe një pjesë e tyre edhe të dytën.
Nga 18 mijë dozat e nevojshme për të imunizuar plotësisht stafin e Policisë së Kosovës, sipas të dhënave të Ministria Ministrisë së Shëndetësisë, deri të shtunën, numri i dozave që u janë dhënë punonjësve të këtij institucioni është afër 8200.
Zbërthyer edhe më, nga totali prej 8200 dozash sa janë administruar për këtë kategori punëtorësh, i bie se rreth 1900 prej tyre janë doza të dyta.
Kjo nënkupton se më pak se 22 për qind e stafit të Policisë është imunizuar me të dyja dozat e vaksinës kundër COVID-19.
Eksperti i sigurisë, Drizan Shala, thotë se zyrtarëve policor duhet t’u bëhet obligim vaksinimi.
Mos-vaksinimi, por edhe vonesat në këtë proces, sipas tij cenojnë sigurinë publike dhe kapacitetet njerëzore të vetë institucionit.
Shkallë më të lartë të vaksinimit sesa Policia, sipas të dhënave zyrtare ka Forca e Sigurisë së Kosovës.
Në një përgjigje për ATV-në, Ministria e Mbrojtjes ka konfirmuar se 85 për qind e pjesëtarëve të forcës janë vaksinuar, me së paku njërën dozë të vaksinës.
Promo
Reklamo këtuLufta Prigozhin - Putin
Më shumëMbyllet edhe pika kufitare në Merdar, Sveçla: Ekstremistët e maskuar brenda Serbisë po kryejnë veprime fashiste
Persona të maskuar shihen në pjesën serbe të pikëkalimit kufitar në Bërnjak
Gërvalla kërkon reagim nga bashkësia ndërkombëtare: Ndaleni Vuçiqin përpara se ai të shkaktojë luftë
Ministria e Jashtme reagon për situatën në Bërnjak: Po ndodhin akte fashizmi në sy të policisë serbe
Sveçla: Mbyllet vendkalimi kufitar në Bërnjak, serbët maltretuan një familje shqiptare që po udhëtonte për në Gjermani
Varrezë e mundshme masive pranë Novi Pazarit, Gara: Dëshmi të siguruara nga dëshmitarë të ndryshëm
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Santiana Maloku dhe Lirimi i japin fund lidhjes së tyre?
Persona të maskuar shihen në pjesën serbe të pikëkalimit kufitar në Bërnjak
Mbyllet edhe pika kufitare në Merdar, Sveçla: Ekstremistët e maskuar brenda Serbisë po kryejnë veprime fashiste
Trajneri i Rumanisë tregohet një profesionist i vërtetë kur flet për lojën e Kosovës
Sveçla: Mbyllet vendkalimi kufitar në Bërnjak, serbët maltretuan një familje shqiptare që po udhëtonte për në Gjermani
Gërvalla kërkon reagim nga bashkësia ndërkombëtare: Ndaleni Vuçiqin përpara se ai të shkaktojë luftë