Shkupi dhe Tetova janë qytetet në të cilat numri i të sapoinfektuarve me koronavirusin edhe më tutje rritet. Sipas statistikës së djeshme, nga 54 rastet e saporegjistruara nga 3.087 testimet e bëra, madje 32 janë nga Tetova, ndërsa pastaj vijon Shkupi me 13, Dibra me 4, Gostivari dhe Vallandova me nga 2 dhe Kërçova 1. Në 13 qytete nuk ka raste aktive me Kovid-19.
Në Tetovë dje ishte shënuar edhe një rast i vdekjes. Nga Kovid-19 vdiq një person 77 vjeçar në kushte spitalore.
Dje ishin regjistruar edhe 28 pacientë të shëruar, prej të cilëve 12 nga Shkupi, 4 nga Kumanova, 3 nga Tetova, nga 2 prej Kërçove, Velesi, Ohri dhe Struga dhe 1 nga Strumica.
Deri tani në vend janë bërë gjithsej 985.556 testime për Kovid-19.
Numri i përgjithshëm i personave të diagnostifikuar nga fillimi i epidemisë arrin 156.506, shifra e pacientëve të shëruar është 150.399, e të vdekurve është 5.494, ndërsa numri i rasteve aktive arrin 613.
Numër më të madh të rasteve aktive ka në Shkup dhe atë 184, vijon Tetova me 177, Kumanova 67, Gostivari 47, Manastiri 25, Dibra 21, Strumica 16, Kërçova 15, Prilepi 11, Ohri 9, Vallandova 7, ndërsa Struga dhe Koçani me nga pesë raste aktive. Pastaj vijon Kavadari me katër raste aktive, ndërsa nga tre kanë Velesi, Shtipi, Sveti Nikolla, Berova dhe Radovishi. Pehçeva dhe Gjevgjelia kanë nga dy raste aktive, ndërsa Dellçeva një. Në Negotinë, Resnjë, Kriva Pallankë, Vinicë, Probishtip, Bogdanc, Krushevë, Demir Hisar, Demir Kapi, Kratovë, Makedonski Brod, Makedonska Kamenicë dhe Dojran nuk kanë asnjë rast aktiv për momentin.
Ministri i Shëndetësisë dje deklaroi se pjesë më të madhe në numrin e të sapoinfektuarve në këtë periudhë kanë udhëtarët të cilët vijnë nga vendet e huaja, ndërsa a janë ato bartës të variantit Delta plotësisht do të konfirmohet.
“Mbrojtja më e mirë kundër koronavirusit dhe të gjitha mutacioneve deri tani të paraqitura janë vaksinat, ndërsa ne nuk mundemi përgjithmonë të jetojmë me restriksione”, deklaroi Filipçe, duke apeluar deri te qytetarët të jenë të vetëdijshëm se duhet të vaksinohen.
Ai edhe njëherë përsëriti se edhe krahas rritjes së numrit, tani për tani nuk do të vendosen masa restriktive. Është e mundur në vjeshtë të vendosen kufizime dhe atë vetëm për qytetarët e pavaksinuar.
Ai potencon se sistemi shëndetësor për momentin është i gatshëm të përgjigjet në valën e re eventuale të infektimit.
Nga Ministria e Shëndetësisë intensivisht i ndjekin dhe analizojnë rekomandimet në lidhje me vaksinimin. Skenarët e mundshëm, sipas Filipçes, janë të ketë rekomandim për dozë të tretë të vaksinave ose vaksina të bëhet sezonale. Por, më shumë njohuri për atë nëse vaksina do të bëhet sezonale ose jo, priten në shtator ose tetor.
Vaksinimi për momentin zhvillohet pa ndërprerë. Në vijim është edhe vaksinimi në terren. Në pikat vaksinuese në shtet dhe në terren deri tani janë vaksinuar rreth 520.000 qytetarë.
Me shifrat e fundit të paktën një dozë vaksinë kanë marrë 63 për qind e popullatës mbi 70 vjeç, 61 për qind e atyre mbi 65 vjeç, 55 për qind e qytetarëve mbi 60 vjeç, si dhe 45 për qind e personave mbi 50-të vjeç.
Ueb platforma vakcinacija.mk është e hapur për termin edhe për vaksinimin e fëmijëve. Rivaksinimi zhvillohet në sallat sportive në Kavadar, Kumanovë, Tetovë, Shtip, Manastir, Strumicë, Ohër, Veles dhe Prilep, si dhe në QS Arena A1 – “Boris Trajkovski”, në Shkup.
Ministria e Shëndetësisë apelon te qytetarët të përfshihen në vaksinimin masiv, sepse vetëm në këtë mënyrë do të arrijmë ta mposhtim virusin.
Liderët e Organizatës Botërore të Shëndetësisë, Organizatës Botërore Tregtare, Fondit Monetar Ndërkombëtar dhe Bankës Botërore në mënyrë kolektive u bënë thirrje prodhuesve të vaksinave kundër Kovid-19 tu japin prioritet në dërgesa vendeve më të varfëra.
Më shumë se katër miliard doza vaksina kundër Kovid-19 tashmë janë administruar përreth botës. Në vendet e kategorizuara nga Banka Botërore si shtete me të ardhura të larta janë injektuar 98,2 doza në 100 persona, ndërsa në 29 vende me standard më të ulët ai tregues arrin 1,6 në 100 persona.
Në botë deri tani me koronavirusin janë infektuar rreth 199 milion persona, kanë vdekur rreth 4,2 milion, ndërsa janë shëruar rreth 180 milion njerëz.
Promo
Reklamo këtuLufta Prigozhin - Putin
Më shumëNga Rubrika
Protesta e opozitës në Tiranë, rrezikohet jeta e policit – molotovi i shpërthen te këmbët
Plumb kokës shqiptarit në Spanjë, e nxjerrin nga vetura dhe e hedhin para derës së spitalit
Nënshkruhet marrëveshje një grant evropian, rreth 50 shkolla në Maqedoni do të marrin sisteme fotovoltaike diellore
Vuçiq reagon pas vendimit të Kosovës për heqjen e kufizimit për mallrat nga Serbia
Profesori serb: Që nga viti 1997 erdha prap në Prishtinë, i kërkoj falje popullit të Kosovës për humbjet dhe dhimbjet nga Serbia
Bastisje në veri, policia sekuestron armë dhe pajisje ushtarake
Me veshje të posaçme, skafandra dhe kokore, krijohet kordoni i policisë para Kryeministrisë në Tiranë
Nga maskat kundër-gaz te snajperët mbi Kryeministri, policia mobilizohet për protestën e PD-së në Tiranë
Ushtarët amerikanë të KFOR-it me pika kontrolli të automjeteve në Leposaviq
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Barcelona do të tentojë transferimin e yllit të Bayernit të cilit i skadon kontrata në fund të sezonit
Njihuni me "ishullin parajsë" në Belize, ku çmimi për një shtëpi nuk është i lirë, por ka shumë për të ofruar
Ky është çifti që thuhet se u gjetën të vdekur, të përqafuar nën rrënoja - pas përmbytjeve shkatërruese në Bosnjë
Ukraina nuk do të anëtarësohet në NATO për sa kohë që unë jam në krye të qeverisë sllovake - thotë kryeministri Fico
Ushqimi për FSK-në - flet ministri i Mbrojtjes, Ejup Maqedonci
Tifozët e Man United po kërkojnë shitjen e një lojtari pas paraqitjes së dobët ndaj Aston Villës