Pal Lekaj padit Hysen Durmishin: Tani e tutje, ose duhet ta rrudhin gojën ose do t’ju rrudhet xhepi

Deputeti i AAK-së, Pal Lekaj ka bërë të ditur se ka dorëzuar padi ndaj zëvendësministrit të MMPHI-së, Hysen Durmishi.

Lekaj ka shkruar se Durmishi kishte shpifur dhe fyer atë në një emision telebviziv.

“Sot e dorëzova padinë kundër fyerjeve dhe shpifjeve të zëvendës ministrit të MMPHI, H.Durmishit, i cili në një emision televiziv më quajti mua dhe bashkëpunëtorët e mi gjatë mandatit tim si ministër, si një “grup kriminal”.
Janë mësuar tani e një kohë të gjatë të vjellin vrerë, me fyerje e shpifje të paskrupullta kundër meje, kudo që kanë pasur mundësi”, ka shkruar Lekaj.

Postimi i plotë:

Sot e dorëzova padinë kundër fyerjeve dhe shpifjeve të zëvendës ministrit të MMPHI, H.Durmishit, i cili në një emision televiziv më quajti mua dhe bashkëpunëtorët e mi gjatë mandatit tim si ministër, si një “grup kriminal”.
Janë mësuar tani e një kohë të gjatë të vjellin vrerë, me fyerje e shpifje të paskrupullta kundër meje, kudo që kanë pasur mundësi.
Bile me këto janë krekosur para popullit edhe si guximtar, duke u fshehur prapa imunitetit që ofron ligji kundër fyerjes dhe shpifjes për gjithë ato që fliten në Kuvend dhe në komisione parlamentare nga kushdoqoftë.
Duke e parë se mosreagimi im po e nxitë edhe më shumë shpifjen dhe fyerjen kundër meje, vendosa që t’i drejtohem gjykatës. Aty duhet të tregojnë fakte për vërtetësinë e deklaratave të tyre.
Tani e tutje, ose duhet ta rrudhin gojën ose do t’ju rrudhet xhepi.
Zgjedhja është e tyre! /Telegrafi/