Zhvillime dramatike në Afganistan, talibanët ngrenë flamurin në vendkalimin strategjik me Pakistanin

Talibanët raportohet të kenë ngritur flamurin e tyre mbi një postbllok kufitar kryesor midis Afganistanit dhe Pakistanit dhe pretendojnë se tani është nën kontrollin e tyre.

Sipas BBC, përcjell Telegrafi, videot që shpërndahen në mediat sociale tregojnë flamurin e bardhë që valëvitet mbi kalimin Spin Boldak pranë Kandahar.

Zyrtarët afganë kanë mohuar që postblloku të ketë rënë në duart e talibanëve, megjithëse fotografitë në mediat sociale tregojnë se militantët bisedojnë me rojet kufitare pakistaneze.

Dhe BBC-së i është thënë se talibanët morën pikën kufitare pa asnjë rezistencë.

Lexo po ashtu Largohet ushtria amerikane, trupat afgane dorëzojnë armët - gjenerali amerikan i shokuar nga sa shpejt ata janë dorëzuar te talibanët

Ndryshe, në javët e fundit, militantët kanë bërë përparime të shpejta në të gjithë vendin, duke kapur një seri postblloqesh kufitare nga forcat afgane, duke përfshirë kalimet me Iranin, Taxhikistanin dhe Turkmenistanin.

Kjo vjen ndërsa SHBA po tërheq forcat e saj nga Afganistani përpara një afati të 11 shtatorit të vendosur nga presidenti Joe Biden.

Talibanët – një grup fundamentalistësh islamikë që u nxorën nga pushteti nga pushtimi i SHBA-së gati 20 vjet më parë – gjithashtu kanë kapur kontrollin e një numri rrugësh kryesore ndërsa kërkojnë të ndërpresin rrugët e furnizimit në qytetet kryesore.

Postblloku kufitar, i cili ndan qytetin afgan të Spin Boldak në provincën Kandahar në njërën anë dhe qytetin pakistanez Chaman në anën tjetër, është vendkalimi i dytë më i ngarkuar midis vendeve. Ai lidh qytetin e Kandahar me portet e Pakistanit dhe sheh rreth 900 kamionë që kalojnë çdo ditë.

Lexo po ashtu Pamje që tregojnë se çfarë lanë pas amerikanët, pasi u larguan nga baza e tyre në Afganistan

Madje, kalimi do të ishte një çmim i madh – simbolikisht dhe strategjikisht – nëse Talibanët vazhdojnë ta mbajnë atë, sipas korrespondentit të BBC, Lyse Doucet.

BBC nuk ka qenë në gjendje të verifikojë në mënyrë të pavarur raportet, por zyrtarët pakistanezë konfirmuan se talibanët kishin marrë postbllokun.

Gazetarëve dhe publikut u është thënë që të mos i afrohen kufirit nga pala pakistaneze, dhe atje është duke u zhvilluar një takim urgjent sigurie, i është thënë reporterit të BBC në Quetta. /Telegrafi/

https://www.youtube.com/watch?v=KM4nNH1ekfY