Testet japin rezultate të jashtëzakonshme në Islandë – puna me orar të shkurtuar më profitabile për kompanitë

Provat e një jave më të shkurtër pune në Islandë janë vlerësuar si një “sukses i jashtëzakonshëm” nga studiuesit.

Punonjësit e sektorit publik që marrin pjesë në dy prova të mëdha midis vitit 2015 dhe 2019 kanë punuar 35-36 orë në javë, pa asnjë ulje në pagë. Shumë pjesëmarrës kishin punuar më parë 40 orë në javë.

Provat e drejtuara nga Këshilli i Qytetit Reykjavík dhe qeveria kombëtare panë mirëqenien e punëtorëve “në mënyrë dramatike” të rritet në një sërë treguesish, nga stresi i perceptuar dhe lodhja, në ekuilibrin e jetës dhe punës, sipas studiuesve nga organizata studimore Autonomia dhe organizata kërkimore Shoqata për Demokraci të Qëndrueshme (Alda), raporton cnn.

Provat përfshinin 2,500 njerëz – më shumë se 1 për qind të popullsisë së Islandës – dhe kishin për qëllim ruajtjen ose rritjen e produktivitetit duke përmirësuar ekuilibrin punë-jetë. Studiuesit zbuluan se produktiviteti dhe shërbimet qëndruan të njëjtat ose të përmirësuara në shumicën e vendeve të punës.

“Autonomy and Alba”, të cilët avokojnë për një javë më të shkurtër pune, analizuan të dhënat nga provat, transmeton Telegrafi.

Pas testimeve, sindikatat Islandeze negociuan uljen e orëve të punës për dhjetëra mijëra anëtarë të tyre në të gjithë vendin.

Rreth 86 për qind e të gjithë popullsisë së punës së Islandës tani po punon me orë më të shkurtra, ose kanë fituar të drejtën për të shkurtuar orët e tyre të punës.

Një numër në rritje i ndërmarrjeve të vogla kanë miratuar tashmë një javë më të shkurtër pune – dhe tani, korporatat më të mëdha po hetojnë përfitimet e mundshme të ndryshimit.

Zelanda e Re njoftoi në dhjetor se do të provonte një javë pune katër-ditore me pagë të plotë, pas një ndryshimi në zakonet e punës të shkaktuara nga pandemia e COVID-19.

Microsoft provoi një javë pune katër ditore në Japoni në vitin 2019 dhe tha se produktiviteti, i matur nga shitjet për punonjës, u rrit me gati 40 për qind krahasuar me të njëjtën periudhë të vitit të kaluar. /Telegrafi/