Xhensila Myrtezaj flet për periudhën më të vështirë të jetës: Prindërit u divorcuan, e ëma sakrifikonte shumë

Xhensila Myrtezaj është njëra nga artistet e preferuara të publikut shqiptar.

Ajo së fundmi ka qenë e ftuar në emisionin “E ardhmja është vajzë”, ku mes shumë gjërash ka folur edhe për rrugëtimin e saj artistik.

Nëna e një vajze theksoi se muzika ka qenë shpëtimi i saj në periudhën e vështirë që kaloi pas divorcit të prindërve.

View this post on Instagram

A post shared by Xhensila Myrtezaj (@xhensilamyrtezaj)

“Muzika ka qenë e vetmja rrugë shpëtimi për të gjithë situatën që ka ndodhur atë periudhë. Në klasë të parë prindërit e mi u divorcuam, nëna mori kujdestarinë time. Duke qenë se ishte dhe në punë, sakrifikonte shumë. Në festën e abetares nëna nuk ka qenë e pranishme, sikurse dhe babai. Kështu që e mbaj në mend atë moment si një fotografi. Shikoja prindër përreth fëmijëve dhe e kam si një kujtim të hidhur”.

Lexo po ashtu Të gjitha lajmet nga Xhensila Myrtezaj

“Muzika më ka shpëtuar shpirtërisht, nga ana psikologjike. Ka qenë një dhuratë e jashtëzakonshme për mua. Nëna ma ka falur dhe Zoti, sepse e ëma ime ka qenë këngëtare. Mbaj mend që kur fikeshin dritat më ushtronte zërin dhe këndonim pa fund bashkë”, u shpreh Myrtezaj.

Xhensila numëron vite të shumta në skenë e me suksese të mëdha. /Telegrafi/