Moment prekës: Të gjithë në këmbë dhe ovacione në Wimbledon për krijuesen e vaksinës së Oxfordit kundër Covid-19

Profesionistëve mjekësorë të cilët ndihmuan në zhvillimin e vaksinës së coronavirusit iu dha një ovacion i madh në Centre Court përpara ndeshjes së parë atje në Wimbledon.

Sipas mediave britanike, përcjell Telegrafi, organizatorët kanë lëshuar qindra bileta falas për punëtorët kryesorë dhe ‘individët e tjerë frymëzues’ përmes mënyrës së falënderimit për ‘punën e tyre të rëndësishme’ gjatë pandemisë së coronavirusit.

Dhe të ftuar të Royal Box të hënën përfshinë Dame Sarah Gilbert, e cila bashkë-projektoi vaksinën Oxford/AstraZeneca dhe kreun e Grupit të Vaksinave të Oksfordit, Sir Andrew Pollard.

Në skenat emocionuese, Dame Sarah u shfaq e mposhtur me emocione ndërsa turma qëndronte në këmbë dhe duartrokiste për arritjen e saj të pabesueshme.

Ndryshe, një vaksinologe britanike dhe profesoreshë e vaksinologjisë në Universitetin e Oksfordit, nëna e trinjakëve (58-vjeçare) më parë udhëhoqi zhvillimin dhe testimin e një vaksine universale të gripit.

Dhe puna e saj në vaksinën kundër Covid-19 i dha asaj një vend në ‘Times Power List’ të The Times në maj të vitit 2020.

Midis turmave që duartrokisnin ishin Duka i Kentit, Romeo Beckham dhe ish shoferi britanik i garave Sir Jackie Stewart. /Telegrafi/