LAJMI I FUNDIT:

Hoxhaj: Prej të hënës do të mendoj për kandidaturën

Hoxhaj: Prej të hënës do të mendoj për kandidaturën

Këshilli drejtues i PDK-së do të mblidhet sonte për të diskutuar rreth konventës zgjedhore më 3 korrik, ku do të zgjidhet kryetari i ri.

Para mbledhjes së këshillit drejtues, Enver Hoxhaj u është drejtuar mediave për të shpalosur detajet e diskutimeve që do të kenë.

Ai tha se qëllimi i konventës zgjedhore është kthimi i PDK-së si parti e parë në nivel të vendit.


“Sot e kemi mbledhjen e Këshillit drejtues të PDK-së, e cila ka qëllim që të përgatitemi sa më mirë për konventën zgjedhore të PDK-së më 3 korrik, dhe qëllimi kryesor i konventës është që PDK të rikthehet si parti e parë në nivel nacional dhe të fitojë peshën në jetën tonë politike dhe debati është rreth asaj se çfarë strukture duhet të ofrojmë dhe çfarë po diskutohet në Këshill drejtues së PDK-së dhe çfarë më kanë thënë anëtarët e PDK-së, të cilët kërkojnë që PDK të fitojë të ndryshojë mesazhi i tyre është i fitimit… Pritja jonë kryesore është rikthimi ynë në shumë komuna të Kosovës dhe konventa është në funksion të përgatitjes për zgjedhjet lokale dhe ju do ta shihni se më 17 tetor PDK do të rikthejë shumicën e komunave duke filluar nga Mitrovica e deri në Prizren me kandidatët më të mirë”, ka thënë Hoxhaj.

Ai ndërkaq ka folur edhe rreth kandidaturës së tij të mundshme për kreun e Partisë Demokratike të Kosovës.

“Nuk është gara mes nesh, sepse PDK-së i duhet pushteti në nivel qendror, pasi qeveria aktuale e zotit Kurti, e cila është autoritare dhe po e dëmton çdo ditë vendin. Ku keni dëgjuar në Evropë në 70 vjetët e fundit i cili kur pyetet për një dokument të administratës amerikane thotë se ende nuk e kam lexuar, më leni ta lexojë, mund të shihni se çfarë mendimi kanë. Prandaj për mua është një javë vendimtare dhe prej të hënës të mendoj për kandidaturën”, ka thënë Hoxhaj.

Për më tepër Hoxhaj tha se për postin e kryetarit të PDK-së mund të kandidojnë të gjithë anëtarët e kësaj partie, ndërsa nuk ka dashur të zbulojë nëse këto kandidatura do të shpalosen në mbledhjen e sotme të Këshillit drejtues të partisë.

“Çfarë unë kam bërë sa kam qenë kryetar në detyrë, kam ftuar publikisht, por ajo nuk ka qenë vetëm një farsë se jam demokrat, por i kam ftuar publikisht kolegët në strukturat e PDK-së, çdo anëtar i devotshëm që ta konsiderojë kandidaturën e tij, por kandidatura e secilit që mund të garojë, duhet të matet me fuqinë e votës më 3 korrik, por duhet të matet me zgjedhjet nacionale a do ta bëjë PDK-në parti të parë nacionale në vend”, u shpreh Hoxhaj.

Hoxhaj ka bërë të ditur se të gjitha kandidaturat e mundshme për kryetar do të dorëzohen me shkrim në grupin punues të partisë, për të cilën tha se ka më së shumti potencial për ta udhëhequr Kosovën.

Ndryshe, Kryesia e Partisë Demokratike të Kosovës dhe ushtruesi i detyrës së kryetarit, Enver Hoxhaj kanë dhënë dorëheqje kohë më parë nga pozitat aktuale për shkak të mbajtjes së Konventës së partisë më 3 korrik.

Në trend Lajme

Më shumë
Si përfundoi në fajde furrtari nga Prizreni?

Si përfundoi në fajde furrtari nga Prizreni?

Lajme
Analistët: LVV-ja synon të “peshkojë” deputetë opozitarë për formimin e qeverisë

Analistët: LVV-ja synon të “peshkojë” deputetë opozitarë për formimin e qeverisë

Politikë
Paradoksale: Në Dragash mbi 240 vota për partitë serbe, edhe pse atje nuk ka serbë

Paradoksale: Në Dragash mbi 240 vota për partitë serbe, edhe pse atje nuk ka serbë

Politikë
Ish-ambasadori i Kosovës në Tajlandë: Vizita e Maqedoncit në Tajvan, lëvizja më e dëmshme në historinë e politikës së jashtme

Ish-ambasadori i Kosovës në Tajlandë: Vizita e Maqedoncit në Tajvan, lëvizja më e dëmshme në historinë e politikës së jashtme

Lajme
“‘Non grata e SHBA-së për Berishën ka rënë”, Harxhi: Pritet vetëm një akt administrativ

“‘Non grata e SHBA-së për Berishën ka rënë”, Harxhi: Pritet vetëm një akt administrativ

Lajme
Rezultati zgjedhor, analistët paralajmërojnë qeverisje të përkohshme

Rezultati zgjedhor, analistët paralajmërojnë qeverisje të përkohshme

Lajme
Kalo në kategori