Matteo Pessina: I ftuari i fundit nga Mancini, që vazhdon studimet, shënon gola, por është më pak i paguari te Italia

Matteo Pessina në fazën e grupeve përjetoi një nga momentet më të paharrueshme në jetën e tij, pasi shënoi për Italinë kundër Uellsit për tua siguruar Azzurrëve vendin e parë në fazën e grupeve në Euro 2020 me nëntë pikë nga nëntë të mundshme.

Por karriera e lojtarit mund të kishte qenë gjithçka ndryshe, pasi mesfushori i Atalantas, studion ekonomi dhe ka një jetë tjetër përveç futbollit.

Pessina është futbollisti që fiton më se paku nga lojtarët e grumbulluar te Italia, me ka një pagë vjetore prej 400,000 euro.

Ai ishte përfshirë në minutën e fundit në skuadrën e Azzurrëve, ku Stefano Sensi u largua shkaku i një dëmtimi, pak para turneut të kësaj vere.

“Është një përrallë për mua. Ishte një ndeshje perfekte, debutova si titullar në Kampionatin Evropian dhe shënimi është si diçka që ëndërron kur fillon të luash futboll për herë të parë. Unë nuk do të fle nga gëzimi për një javë”, ka thënë Pessina.

Tutje mesfushori iu jep kurajo të gjithë futbollistëve që luajnë në nivele më të ulëta, që të punojnë pasi ëndrrat bëhen realitet.

“Shembulli im tregon se ata lojtarë që fillojnë në Serie C mund të arrijnë ekipin kombëtar nëse janë të gatshëm të bëjnë sakrifica”, deklaroi ai.

Pessina, i cili bëri debutimin e tij në Monza në vitin 2014, nënshkroi për AC Milanin në 2015, por më pas u transferua në Lecce, Catania, Como dhe Atalanta para se të fillonte të bënte karrierë të vërtetë në futboll.

Siç e përmendëm më lartë, lojtari studion ekonomi në kohën e lirë, ndërsa si fëmijë ai merrte pjesë edhe në gara baleti.

Pessina ka pranuar se ai preferon të lexojë në vend që të luajë PlayStation dhe dëshiron të ketë një punë normale sikurse nëna e tij që është arkitekte, dhe për këtë gjë ai u regjistrua në Administrim dhe Ekonomi në Universitetin Luiss në Romë.

View this post on Instagram

A post shared by Matteo Pessina (@pessinamatteo)

“Kur isha i ri, kam studiuar matematikë dhe gjeometri. Më kanë ndihmuan të mendoja më shpejt”.

“Në pozicionin tim [në fushë], një e mijta e sekondës bën diferencën”, deklaroi ai.

Pessina e ka pranuar se ai dëshiron të vazhdojë me futboll si trajner kur karriera e tij e lojtarit të ketë mbaruar. /Telegrafi/