Snapchat anulon filtrin që është fajtor për një seri aksidentesh trafiku

Është prezantuar në vitin 2013, dhe që nga ajo kohë është kritikuar si një motivues shtesë për shpejtësinë nga përdoruesit e tij në vetura.

Bëhet fjalë për të ashtuquajturën “filtri i shpejtësisë”, i cili në kohën e marrjes së një fotografie filtri shton shpejtësinë e një përdoruesi në foton e tij dhe Snapchat i shpërblen ata me një “trofe” për postimin se sa shpejt po shkonin.

Është filtri që më shpesh është kritikuar si një nga faktorët në një numër aksidentesh trafiku.

Snap, kompania prapa aplikacionit, ka njoftuar se po shfuqizon atë filtër për shkak të uljes së popullaritetit, transmeton Telegrafi.

Ky filtër është lidhur nga shumë me aksidentet rrugore dhe ka bërë thirrje publike për heqjen e tij.

Kritikët mirëpresin heqjen e filtrit, por paralajmërojnë për ngjarjet e kaluara. “Ndërsa ky vendim pa dyshim do të kontribuojë në sigurinë e përdoruesve të rrugës në të ardhmen, nuk justifikon zgjedhjen e Snapchat për të krijuar dhe shpërndarë atë filtër në të kaluarën”, thekson Michael Neff, një avokat që përfaqëson familjet e përdoruesve të vrarë në aksidente, të lidhura me aplikacion.

“Ne mezi presim ditën kur do të fitojmë drejtësinë në gjykatë për të gjithë ata që kanë pësuar një humbje të panevojshme”, tha avokati.

“Filtri i shpejtësisë” është i lidhur me disa aksidente, përfshirë një nga viti 2015 kur tre gra u vdiqën në Filadelfia. /Telegrafi/