Flamur Sinani – Trajneri që po kor suksese me fëmijët e Rilindjes dhe që premton shumë për të ardhmen
Flamur Sinani, i cili udhëheq ekipe nga grup moshat e reja të KF Rilindja në Prishtinë, në një intervistë për Telegrafin ka treguar gjithë mbarëvajtjen e turneut ʺRILINDJA KIDS TOURNAMENT 2021ʺ i mbajtur më 12 dhe 13 qershor 2021 për nder të Ditës së Çlirimit të Prishtinës, ka folur për suksesin e tij dhe ekipit të tij, ku u shpallën kampion me U10, si dhe punën disavjeçare me fëmijë dhe shumëçka tjetër rreth edukimit dhe karrierës.
Klubi i Futbollit Rilindja nga Prishtina, me sukses e organizojë turnirin tradicional mbarëkombëtar për fëmijë ʺRILINDJA KIDS TOURNAMENT 2021ʺ për nder të Ditës së Çlirimit të Prishtinës, më 12 dhe 13 qershor 2021.
Ky është viti i tretë më radhë që KF Rilindja bënë organizimin e këtij evenimenti sportiv. Në turnir morën pjesëmarrës 28 skuadra të gjeneratës U-10 dhe U-11, nga mbarë Kosova.
Organizimi i turnirit ishte shumë sfidues sipas klubit prishtinas, pasi ishin të detyruar të bënim zvogëlimin e skuadrave pjesëmarrëse, për arsye të njohura të pandemisë COVID-19.
Në fund turneu u fitua pikërisht nga klubi nikoqir Rilindja, e cila mposhti në finale Ramiz Sadikun, ndërsa më herët mposhti edhe ekipe si Shkëndija, Suhareka, Drita dhe Supersport.
Pjesë e këtij suksesi të madh dhe njëri nga më meritorët padyshim se është trajneri i ri, Flamur Sinani, i cili në të kaluarën ka qenë futbollist aktiv në shumë klube të njohura si Flamurtari, Hajvalia dhe Rilindja, duke luajtur për shumë vite në Superligën e Kosovës dhe në Ligën e Parë.
Flamur Sinani në një intervistë për Telegrafin ka treguar gjithë mbarëvajtjen e turneut, suksesin e tij dhe ekipit të tij, punën me fëmijë dhe shumëçka tjetër.
“Që katër vite punoj më këtë gjeneratë, dhe më përgjegjësi të lartë profesionale them së kjo gjeneratë premton shumë për të ardhmen, sepse brenda saj kemi shumë talent që çdo ditë e më shumë po e dëshmojnë vetëm qoftë në garat zyrtare që i organizon ʺLidhja Rajonale e Futbollit e Prishtinësʺ, dhe nëpër turne të organizuar brenda dhe jashtë vendit”, ka thënë fillimisht Sinani për Telegrafin.
“Në këtë turnir më gjeneratën U10, morën pjesë 12 skuadra të ndara në 4 grupe nga 3 skuadra në grup, ku vendi i parë dhe i dytë e kaluan grupin, ndërsa vendi i tretë në bazë të rezultateve u eliminua nga garat. Rilindja ishte në grupin A, së bashku më Shkëndijën dhe Suharekën”.
“Ndeshjen e parë përballë Shkëndijës, Rilindja e fitoj më rezultate 3:1, ndërsa ndeshjen e dytë kundër Suharekës e fituam me rezultat 3:0. Rilindja doli e para në grup, dhe në çerekfinale u takua më Dritën e Gjilanit. Ndeshja u zhvillua më rivalitet shumë të madh dhe Rilindja arriti në sekondat e fundit të ndeshjes të mposht Dritën më rezultat 2:1. Të gjithë të pranishmit që ishin në stadium duke e përcjellë ketë takim u ndanë të kënaqur, me lojën dhe angazhimin që treguan të dyja skuadrat”.
“Në gjysmëfinale, Rilindja u taku më skuadrën Supersport nga Skenderaj, ku koha e rregullt e ndeshjes përfundoj më rezultatin e barabartë 2:2, ndërsa pas ekzekutimit të penalltive, Rilindja fitoi me rezultate 3:2, dhe kaloj në finale”.
“Në finale, Rilindja u takua më skuadrën e Ramiz Sadiku dhe pas një ndeshje të jashtëzakonshme çunat tonë nën udhëheqjen time dhe të ndihmësit Shemsi Osmani, arritën të mposhtin më meritë skuadrën e Ramiz Sadikut me rezultat të thellë 5:2”, shtoi trajneri prishtinas.
“Kjo ishte ndeshja më e bukur e zhvilluar gjatë gjithë turnirit ʺRILINDJA KIDS TOURNAMENT 2021ʺ, ku të gjithë të pranishmit në shkallët e stadiumit “Ibrahim Gashi” në Taukbashqe, mbeten të kënaqur më lojën e treguar nga skuadra e Rilindjes”.
“Me përfundimin e ndeshjeve finale, organizatoret u ndanë medalje tri vendeve të para, si dhe zgjodhën portierin më të mirë, golashënuesin më të mirë si dhe lojtarin më të mirë të turnirit. Portieri më i mirë u zgjodh Andi Tovërlani, lojtari më i mirë u zgjodh Anes Gjoshi nga skuadra Rilindja”.
“Për këtë sukses dua të falënderojë Kryetarin e Klubit Fadil Gashi, Bordin Drejtues të Klubit, Drejtorin Sportiv Fehmi Fejza dhe grupin e trajnerëve të Shkollës së Futbollit Rilindja, Prishtinë. Po ashtu falënderoj të gjithë prindërit për sjelljet e shkëlqyera që treguan gjatë dy ditëve të garave, dhe grupin e vullnetarëve që u përkujdesen për mbarëvajtjen e garave”.
Puna me fëmijët
Përveç suksesit të fundit, trajneri prishtinas ka folur edhe për punën e tij me fëmijët e grupmoshave të reja, të cilën thotë se e bën me shumë qejt.
“Futbolli është më shumë së një sport për fëmijët. Siç përcaktohet nga Konventa për të Drejtat e Fëmijëve, futbolli është një gjuhë universale e miliona njerëzve në mbarë botën, përfshirë fëmijët dhe adoleshentët, pavarësisht nga origjina e tyre, gjuha që ata flasin ose feja të cilës i përkasin”, shtoi Sinani për Telegrafin.
“Unë, si trajner jam munduar maksimalisht që fëmijëve t’u transmetojë në radhë të parë kulturë e lartë sportive, pasi futbolli është një mënyrë e shkëlqyeshme për socializmin e fëmijëve, emancipimin, sjelljen dhe veprimet e tyre gjatë seancave stërvitore”.
“Fëmijët mësojnë të punojnë në grup për të arritur ëndrrat e tyre, që një ditë të behën yje të futbollit. Fëmijët nuk mund të jenë profesionistë për t’u bashkuar në seancat tona stërvitore, argëtuese dhe ndërvepruese, por, nëse dëshirojnë të zhvillojnë aftësitë e tyre në futbollit në një nivel konkurrues, Rilindja, është vendi ku duhet të jesh”.
“Që në hapat e parë fëmijëve u mësuam si të shkelmojnë topin, të ndalojnë topin dhe të ndryshojnë drejtimin e tij, që është baza elementare për fëmijët. Të shënojnë gola sa më shumë, të lëvizin më top dhe pa top. Ndërsa për lojtarët më të përparuar, ne i mësuam si të pasojnë topin, mbrojtjen, driblimin, gjuajtjen, zotërimin e topit dhe të tjera”.
“Ne si shkollë e futbollit jemi të përkushtuar që më punë profesionale të arrijmë rezultate sa më të mira. Me të gjitha gjeneratat, KF Rilindja, gjatë kampionatit të rregull ka arritur rezultate të mira. Synimet tona si Shkollë e Futbollit janë shumë ambicioze, pretendojmë që të hapemi dhe të bashkëpunojmë ngushtë më klubet më të njohura të Evropës dhe më gjerë. Tanimë janë dyert e hapura për promovimin e futbollit të Kosovës”, përfundoi Flamur Sinani. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Plani i Florentino Perezit del në pah: Synon ta pushojë botën e futbollit me transferimin e tre top talentëve
Top ylli i Milanit i thotë ‘po’ ofertës së Bayernit, por nuk ka marrëveshje mes dy klubeve
Fabrizio Romano zbulon se çfarë ka vendosur Chelsea për Armando Brojën
Nënshkrimi i Mbappes ka shkaktuar tension në zhveshtoren e Real Madridit
Bellingham u pyet se kush është lojtari më i mirë me të cilin ka luajtur, ai zgjedh dy
United i gatshëm të ofrojë Greenwoodin dhe para për yllin e Barcelonës
Bisedimet kanë nisur, Jose Mourinho befason të gjithë me skuadrën e tij të re
"Mjekët më thanë se së shpejti do të vdes", Ish-portieri gjerman tregon sëmundjen e rëndë me të cilën po përballet
Gjiganti anglez ofron 15 milionë euro për Ernest Muçin
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"Dhëmbët, flokët e veshët" - Gani Gërmia me ndryshime drastike në pamje
Palestinezët festojnë "pranimin e marrëveshjes" nga Hamasi, ndërsa izraelitët protestojnë për kthimin e pengjeve
Blero flet për takimin me Afronën: Kur e pashë atë duke qarë, më doli loti - edhe burrat qajnë
Reagojnë zyrtarët e lartë të SHBA-së pas lajmit se Hamasi e ka "pranuar marrëveshjen"
Tre sulmuesit që Xavi i do për të përforcuar sulmin e Barcelonës këtë verë
Luiz Ejlli thyen heshtjen, flet për padrejtësitë në Big Brother: Më përdorën familjen, por çmimin e madh e fitova në momentin që më tha Kiara 'PO'