Pendarovski: I jemi mirënjohës Serbisë për vaksinat, jemi të përkushtuar për marrëdhënie të mira me Kosovën

Presidenti i Maqedonisë së Veriut, Stevo Pendarovski tha se vendi ynë i është mirënjohës Serbisë mike për ndihmën në kohë në parandalimin dhe trajtimin e coronavirusit. Ai veçanërisht theksoi ndihmën në procesin e vaksinimit, përcjell Telegrafi Maqedoni.

“Serbia ka bërë gjithçka që është në fuqinë e saj për të na ndihmuar dhe ne dimë ta vlerësojmë atë gjest miqësor dhe nuk do ta harrojmë atë”, tha Pendarovski në një intervistë për “Politika”.

Duke iu përgjigjur pyetjes nëse Maqedonia e Veriut ka të drejtë të lobojë për pavarësinë e Kosovës, duke pasur parasysh deklaratën e zv. kryeministrit Artan Grubi i cili i tha se Ministrit të Jashtëm Bujar Osmani para udhëtimit të tij në Spanjë detyra përparësore është njohja e Kosovës, Pendarovski tha se Maqedonia e Veriut është e përkushtuar për marrëdhënie të mira me Prishtinën.

Pendarovski shtoi se në këtë mënyrë Shkupi përmbush interesat e saj kombëtarë, por gjithashtu kontribuon në forcimin e bashkëpunimit rajonal, i cili sipas tij është një përparësi e politikës së jashtme të Serbisë. Sidoqoftë, Pendarovski e sheh lobimin dhe njohjen e mëtejshme të Kosovës si një “çështje të brendshme” për Prishtinën.

Pendarovski shtoi se Maqedonia e Veriut nuk ka çështje të hapura me Serbinë./Telegrafi/