Nis seanca e Kuvendit, Murati në interpelancë për faljen e gjobave gjatë pandemisë

E plotësuar: Ka nisur të mbahet seanca e Kuvendit të Kosovës, ku në rend dite është interpelanca ndaj ministrit Hekuran Murati për faljen e gjobave gjatë pandemisë.

Seanca ishte shtyrë për disa minuta në mungesë të deputetëve.

Mungojnë deputetët, seanca shtyhet për 10 minuta

Kryesuesja e seancës së Kuvendit të Kosovës, Saranda Bogujevci ka dhënë 10 minuta pauzë ende pa nisur seanca në mungesë të deputetëve në sallë.

Bogujevci tha se që deputetët të shkojnë në sallë me kohë, në mënyrë që të mos ketë vonesa.

“10 minuta në pauzë, deri sa të vijnë deputetë, po shpresoj që në seanca të radhët të jenë të gjithë deputetët në sallë…”, tha ajo.

Ndryshe, sot Kuvendi i Kosovës do të mbajë seancën e radhës, e cila do të jetë vazhdimësi e asaj që u mbajt dje, ku do të ketë dy pika të rendit të ditës.

Propozim-vendimet për ndryshimin dhe plotësimin e Vendimit nr. 08-V-006, dt. 02.04.2021 për formimin e komisioneve parlamentare.

Dhe interpelancë me ministrin e Ministrisë së Financave, Punës dhe Transfereve, Hekuran Murati për çështjen: “Falja e gjobave bizneseve të prekura nga situata me COVID-19”.

Kujtojmë se për faljen e gjobave gjatë pandemisë, ditë më parë edhe Partia Socialdemokrate ka organizuar një peticion qytetar. /Telegrafi/