Giroud refuzon vazhdimin e kontratës me Chelsean për t’u bashkuar me Milanin

Olivier Giroud thuhet se ka anuluar një zgjatje të kontratës nga Chelsea për t’u bashkuar me Milanin si një lojtar i lirë.

Sipas mediumit italian La Gazzetta dello Sport, Rossonerët janë në pozicion të mirë për përfaqësuesin e Francës, i cili ka një mori alternativash këtë verë.

Giroud thuhet se hoqi dorë nga një lëvizje në West Ham dhe një ofertë për zgjatjen e kontratës nga Chelsea sepse ai dëshiron të provojë një përvojë të re në një kampionat të ri.

Blutë i kishin ofruar 34-vjeçarit një marrëveshje 4.2 milion euroë në vit, të njëjtën pagë që po fiton aktualisht. Milani thuhet se është i gatshëm t’i ofrojë atij një marrëveshje prej 4 milionë euro në vit.

Fituesi i Kupës së Botës me Francën në vitin 2018 do të largohet nga Stamford Bridge në një transferim të lirë dhe Stefano Pioli po kërkon të përforcojë sulmin e tij për sezonin e ardhshëm, pasi Milani është kthyer në Ligën e Kampionëve.

34-vjeçari ndihmoi Blutë të fitonin garën prestigjioze të Ligës së Kampionëve në sezonin 2020-21 dhe raporti pretendon se ai dëshiron të transferohet në një klub tjetër historik në Evropë.

Zbritja e taksave ndihmon Milanin në negociata dhe La Gazzetta dello Sport raporton se qendërsulmuesi francez është i magjepsur nga Milani.

Giroud ka shënuar 18 gola në 41 ndeshje të Ligës së Kampionëve gjatë periudhave të tij me Arsenalin dhe Chelsea në Londër dhe mund të sigurojë përvojën e nevojshme në këtë garë. /Telegrafi/