Ish kryeministrit të Shqipërisë, Sali Berisha ka reaguar pasi atij dhe familjes së tij i është ndaluar hyrja në Shtetet e Bashkuara të Amerikës.
Berisha përmes një postimi në Facebook, ka ftuar sekretarin amerikan të shtetit, Antony Blinken që të publikojë faktet e dokumentet mbi të cilat është bazuar vendimi.
“Duke shprehur keqardhje për vendimin dhe duke e konsideruar atë pa asnjë baze konkrete, ju ftoj të bëni publike çdo fakt e dokument që administrata e juaj, apo kushdo në botë, mund të disponojë për të argumentuar pretendimin tuaj për mua dhe familjarët e mi”, shkruan ndë të tjera Berisha në postimin e tij.
Ndryshe, Blinken kishte shkruar sot se “Aktet e korruptuara të ish-presidentit të Shqipërisë Sali Berisha minojnë demokracinë në Shqipëri”.
“Unë po e them publikisht se Berishën dhe anëtarët e ngushtë të familjes së tij janë të papërshtatshëm për hyrjen në Shtetet e Bashkuara. Ne mbetemi të bashkuar me partnerët tanë në Shqipëri për luftë kundër korrupsionit”, kishte thënë Blinken.
Postimi i plotë i Berishës:
Përgjigje zotit Antony Blinken, Sekretar i Departamentit të Shtetit të SHBA për vendimin e tij për të ndaluar hyrjen time në SHBA!
Zoti Sekretar!
Nga mediat u njoha me vendimin tuaj të shpallur në Twitter për të ndaluar hyrjen time në SHBA.
Lidhur me këtë vendim dua të shpreh si vijon.
Gjatë 30 viteve në politikë nuk ka ekzistuar kurrë asnjë akuzë në adresë time, nga asnjë person, asnjë institucion vendas apo i huaj për abuzim të fondeve publike dhe çfarëdo lloj tjetër korrupsioni.
Shtoj gjithashtu se gjatë të gjitha viteve të mia në pushtet, por dhe deri me sot, familjarët e mi nuk kanë përfituar kurrë nga fonde dhe asete publike dhe kanë zbatuar me rigorozitet të plotë ligjet e vendit. Ata deri më sot nuk kanë qenë kurrë neë akuzë nga drejtësia shqiptare apo e ndonjë vendi tjetër.
Duke shprehur keqardhje për vendimin dhe duke e konsideruar atë pa asnjë baze konkrete, ju ftoj të bëni publike çdo fakt e dokument që administrata e juaj, apo kushdo në botë, mund të disponojë për të argumentuar pretendimin tuaj për mua dhe familjarët e mi.
Gjithashtu gjykoj se një ndër faktorët më kryesore që qeveria që unë kam drejtuar arriti të anëtarësojë Shqipërinë në NATO, të firmosë Marrëveshjen e Stabilizimit Asociimit dhe liberalizojë vizat me Bashkimin Europian, të arrijë nivelin e pragut të MCAC, dhe të tërheqë investime madhore, por edhe të shënojë kulme në marrëdhëniet midis dy vendeve tona mike, ka qenë lufta e suksesshme kundër korrupsionit dhe krimit të organizuar e dokumentuar kjo dhe në raporte dhe vlerësime të qeverisë së SHBA.
Gjate 30 viteve në politikë unë kam patur në SHBA, dhe kam më shume se ne çdo vend tjetër, miq te mëdhenj, me te cilët ndihem gjithnjë krenar. Mirënjohja ime mbetet e pakufishme për gjithçka vendi i juaj i madh ka bere për lirinë e kombit tim.
Po kështu jam përpjekur dhe nuk kam nguruar kurrë te marr çdo vendim ne interes te përbashkët midis dy vendeve.
Dua te theksoj se vendimi juaj nuk mund te lëkundë kurrë admirimin tim për vendin, kombin e madh e mik amerikan dhe miqtë e mi ne SHBA.
Zoti sekretar!
Unë kam 8 vite qe kam dhënë dorëheqjen nga çdo funksion drejtues dhe jam larguar nga pushteti por kam qëndruar i vendosur ne mbrojtjen e interesit publik dhe kombëtar te shqiptareve, ashtu siç i vlerësoj unë ato.
Unë kam denoncuar me shume se kushdo tjetër ne këtë vend publikisht brenda dhe jashtë vendit, krimin e organizuar shqiptar dhe bandat e tij, kartelet e drogës, lidhjet e tyre me zyrtaret me te larte shqiptare, por edhe te huaj, korrupsionin e papërmbajtur qeveritar ne Shqipëri.
Po kështu unë kam mbështetur reformën ne drejtësi e te gjitha ndryshimet kushtetuese, por kam kritikuar dhe denoncuar çdo akt te ndërmarrë ne kundërshtim flagrant me amendamentet kushtetuese për vendosjen e kontrollit te plote politik mbi sistemin e drejtësisë.
Unë gjithashtu kam denoncuar ne mediat shqiptare dhe te huaja, duke ditur shume mire pozicionin por edhe lidhjet e panumërta te tij, multimiliardierin George Soros, si korruptorin me kryesor te politikaneve te sotëm dhe ne gjykimin tim, si një armik te vërtetë te demokracisë ne vendin tim.
Përveç kësaj kam denoncuar i pari dhe me forcën me te madhe, publikisht dhe vetëm publikisht, projektin e ndryshimit të Kufijve të Kosovës, i përgatitur nga fondacioni i George Sorosit në Beograd, për çka dhe jam kërcënuar për pasoja, por natyrisht nuk jam impresionuar.
Se fundi, duke mos pretenduar kurrë se unë jam i pagabueshëm, duhet t’ju garantoj se unë ndjehem krenar me te gjitha qëndrimet e mia dhe ju siguroj se ato kane qene dhe do te jene te motivuara vetëm nga interesi publik dhe kombëtar i kombit shqiptar dhe e vërteta, te cilat unë i kam mbrojtur njëlloj si sot edhe ne kohen kur te rinjtë shqiptare ekzekutoheshin ne kufi për realizimin e ëndrrës tyre amerikane.
Sinqerisht Sali Berisha! /Telegrafi/
Promo
Reklamo këtuLufta Prigozhin - Putin
Më shumëNga Rubrika
Oda Ekonomike kërkon që të vazhdohet projekti për korridoret
Mospërfshirja e Kosovës në agjendën e Komitetit të Ministrave të KiE, reagime të ashpra ta deputetëve gjermanë – kritikojnë qeverinë e tyre
Shkëlqim Devolli vazhdon takimet në Kongres: Bashkëpunimi ekonomik rrit miqësinë Kosovë – SHBA
Kosova jashtë KiE, Mujanoviq: BE po çon ujë në ‘mullirin’ e Vuçiqit
Mos futja e Kosovës në agjendën e Komitetit të Ministrave të KiE, deputeti Schwabe: Gabim i rëndë i Qeverisë gjermane – KiE të mos diktohet nga Trump dhe Grenell
Qytetari që ra viktimë e fajdeve rrëfen për "hilet" e fajdexhinjve: Nga 10 mijë borxhi shkoi në 50 mijë euro
Operacioni i SPAK, RENEA ‘zbarkon’ në vilat e bosëve të krimit, ngjiten me shkallë
Zgjatet afati i regjistrimit të popullsisë deri më 24 maj në 11 komuna, diaspora deri më 31 gusht
Haradinaj: Dështimi i anëtarësimit në KiE i faturohet vetëm Albin Kurtit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Vetëm dy vende do të mbijetonin pas apokalipsit bërthamor - çka do t'i shpëtonte këto shtete
"Pulë me të huaj dhe skifter me të vetët”, Alizoti: Rama duhet ta kishte përqafuar Kurtin
BE reagon për draft statutin e paralajmëruar nga Kosova për Asociacionin
Politikani serb: Kam bërë padi në GjND për krimet serbe ndaj shqiptarëve të Kosovës
Zbardhet aktiviteti i atentatorit të kryeministrit sllovak - ishte pjesë e një grupi pro-rus
Amerikani bleu një magazinë të vjetër për 380 euro - ajo çfarë gjeti në të është një pasuri e vërtetë