Duda Balje: Nuk jam më e ëmbël se dudi, por aty afër

Deputetja e njohur Duda Balje, ka qenë e ftuar së fundmi në një nga kronikat e emisionit “Prive”.

Ajo i është përgjigjur 50 pyetjeve që lidhen me jetën e saj private dhe atë profesionale.

Një pyetje shumë interesante iu bë asaj në lidhje me frutin e njohur të cilit shqiptarët i referohen si “dud”, e që koiçidon me emrin e saj.

Deputetja e komunitetit boshnjak tha se është e vetëdijshme që emri i saj do të thotë frut në shqip, ndërsa kur u pyet nëse është më e ëmbël se fruti në fjalë, ajo u shpreh: “Jo, nuk jam më e ëmbël se fruti por aty afër”.

Tutje, Balje ironizoi edhe me shaka kur u pyet se çfarë do t’i thoshte tani kundërshtares së saj politike, Ardijana Hoxhiq, e cila ishte zgjedhur deputete para se Gjykata Kushtetuese ta hidhte poshtë, ku më pas rendi do t’i vinte Dudës.

Kjo e fundit tha se mesazhi që do t’i thoshte tani do të ishte: “Ta kam kallëzuar qejfin”.

Ndërkohë në pyetjen e fundit se a mendon që është provokuese në paraqitjet e saj, deputetja e Kuvendit të Kosovës u shpreh duke thënë: “Pak po”. /Telegrafi/