Pyetjeve më të shpeshta në lidhje me procedurën TAC ju përgjigjet Dr. Zoran Jovanovski

përgjigjet Dr. Zoran Jovanovski – Specialist në Gjinekologji dhe Obstetrikë në One Hospital Tetovë, Maqedoni e Veriut

Çfarë është serklazhi transabdominal?
Gjatë procedurës së serklazhit transabdominal, mjeku gjinekolog bën një prerje në pjesën e poshtme të barkut pranë “linjës bikini”. Përmes kësaj prerje transabdominale, bën një lidhje apo qepje të vogël, sintetike në qafën e mitrës, e cila mbështet qafën e mitrës, duke e parandaluar që të hapet dhe kështu të ndërpresë shtatzëninë e parakohëshme.
Sikurse tek çdo operacion tjetër, edhe tek procedurat e serklazhit ekzistojnë rreziqe të caktuara. Kandidatët për kryerjen e kësaj procedure përcaktohen vetëm nga tregues mjekësor të vertetuar nga mjeku gjinekolog specialist i cili merr parasysh rreziqet dhe përfitimet e mundshme të kësaj procedure.

Cilat janë nivelet e suksesit me anë të proceseve të serklazhit transabdominal?
Më shumë se 99 % e grave përfundojnë me një shtatzëni të plotë deri në kohën e parashikuar të lindjes dhe lindja përfundon me prerje cezariane.
Kur mund të bëhet serklazhi abdominal?
Shumica e pacientëve që kanë parregullsi të qafës së mitrës të cilat më parë kanë shkaktuar vështirësi dhe paaftësi për të çuar shtatzëninë deri në fund, bëjnë serklazhin abdominal para se të përpiqen përsëri për një shtatzëni të re. Në fakt, ne i’ua rekomandojmë këtë procedurë.
Serklazhi abdominal zakonisht bëhet përafërsisht 90 ditë pas abortit të mëparshëm. Përparësitë e vendosjes së TAC para shtatzënisë përfshijnë eliminimin e çdo rreziku për fetusin dhe lejimin e vendosjes së serklazhit sa më lart rreth qafës së mitrës.

Për shkak të rreziqeve të caktuara, vendosja e TAC nuk është një opsion për shumë gra gjatë shtatzënisë. Megjithatë, në rastet kur gruaja shtatzënë ka nevojë dhe mundësi, ne rekomandojmë akomodimin gjatë javës së tetë të shtatzënisë. Në këtë periudhë, rreziqet për nënën dhe fetusin janë minimale.

Si ndikon serklazhi abdominal në shtatzëni dhe lindje?
Serklazhi transabdominal nuk kërkon pushim në shtrat. Sidoqoftë, pacientja do të duhet të bëjë lindje me prerje cezariane, e cila mund të bëhet përmes së njëjtës prerje në “linjën e bikinit” që përdoret për të vendosur serklazhin. Kjo lidhje me fashë sintetike e qafës së mitrës është e sigurt për tu mbajtur në trup dhe do të jetë po aq efektive edhe gjatë shtatzënive të tjera.