“Gara” me një fund tragjik: Shoferi po ikte me shpejtësi të madhe – tetë vetura policore e ndjekin pas, rrugëve të Serbisë

Një shofer i një veture “Chevrolet” (28 vjeç) i cili shkaktoi një aksident të rëndë, ishte larguar më parë nga policia, e cila u përpoq ta ndalonte atë në Nish.

Sipas informacioneve jozyrtare të mediave serbe, përcjell Telegrafi, policia e trafikut ka kryer kontroll të rregullt të trafikut dhe është përpjekur të ndalojë shoferin e “Chevrolet” me një sinjal drite, por ai nuk ka pranuar të ndalojë dhe ka ikur.

Me shumë gjasë, shkruajnë më tej mediat serbe, ai vendosi për këtë veprim sepse ekziston një urdhër i lëshuar për të nga një gjykatë, ku po zhvillohen procedurat kundër tij për vjedhje të rëndë.

View this post on Instagram

A post shared by НишНоћу.цом (@nishnocu_official)

Ai, që ishte në automjet me një vajzë nga Nishi, filloi të ikë ku më pas shkaktoi një aksident duke kaluar në anën e kundërt të rrugës dhe duke u përplasur me një veturë tjetër “Audi”.

Siç bëhet e ditur më tej, tetë automjete policie dhe dy motoristë policie morën pjesë në ndjekjen e J. G, vendbanimi i fundit i të cilit ishte regjistruar në Jagodina.

Një video u shfaq në rrjetet sociale, në të cilën një makinë me targa të Nishit po “garonte” nëpër rrugë me një shpejtësi të jashtëzakonshme, e ndjekur nga disa patrulla policie në përpjekje për ta kapur dhe ndaluar atë.

Si pasojë, i arratisuri nga policia vdiq në vend, ndërsa tre persona u plagosën në aksident – një vajzë që ishte me të në një “Chevrolet” dhe një çift i martuar nga një “Audi”. /Telegrafi/