Vdes gruaja nga Kalifornia pas sesionit me kirurgun meksikan

Një nënë nga Kalifornia ka vdekur ndërsa dy gra të tjera janë sëmurur rëndë pasi kryen ndërhyrje plastike nga i njëjti kirurg, në të njëjtën ditë në Meksikë.

Treshja ishin joshur nga mundësia e operacionit me çmime të reduktuara dhe udhëtuan bashkë nga Kalifornia drejt Tijuana për operacionet më 29 janar.

Por Keuana Weaver, 38-vjeçare nënë e dy fëmijëve fatkeqësisht vdiq në tryezën e operimit të klinikës Art Siluette Aesthetic, kur procedura e saj ‘liposuction’ për heqjen e dhjamit, shkoi më së keqi.

Shoqja e saj, Kanisha Davis, kreu të njëjtën procedurë, nga i njëjti doktor Dr Jesus Manuel Baez Lopez.

Infermierja Davis u kthye në shtëpi kur dhe mësoi se Keuana kishte vdekur, para se t’i nisnin problemet si të vjella dhe gjakderdhje e brendshme.

Ajo tha se “e kuptoi që diçka nuk shkonte” kur gjatë kirurgjisë nuk ishte e lidhur me monitorë dhe pas përfundimit u la menjëherë e lirë, pa testime apo një dhomë hoteli ku të rekuperohej.

Ajo u shtrua në spital për dy javë, pas kirurgjisë që vrau shoqen e saj.

Gruaja e tretë, Esmeralda Iniguez, gjithashtu u operua nga Baez në të njëjtën ditë dhe thuajse vdiq nga shokimi septik pas procedurës.

Ajo u dërgua me nxitim përtej kufirit në klinikën Chula Vista në SHBA, ku raportohej se ishte pranë vdekjes prej problemeve me veshkat”.

“Ai kishte shtrënguar aq shumë muskujt e mi të barkut dhe organet ishin ngjeshur me njëra-tjetrën, duke ndërprerë qarkullimin e gjakut drejt veshkave”, tha më pas Iniguez.

Prej atëherë ajo ka qenë disa herë në spital, me plagë të rrezikuara nga riinfektimi.

Davis e Iniguez po mendojnë të padisin klinikën e ndërhyrjeve por nuk ia dalin dot prej problemeve shëndetësore, faturave mjekësore, si dhe ligjeve ndërkufitare që ndalojnë procedura të tilla.

Të tri operacionet u kryen nga pronari i klinikës Dr Baez, i cili nuk rezultonte anëtar i shoqatës vendase të kirurgëve plastikë.

Në vitin 2015, atij iu mbyll një tjetër klinikë prej mangësive ligjore.

Nëna e të ndjerës Keuana kërkon përgjigje për vdekjen e parakohshme të bijës së saj, por pranon se nuk e dinte që ajo kishte udhëtuar drejt Tijuana për operacionet.

Udhëtimet ndërkufitare për kirurgji plastike janë bërë të zakonshme në SHBA, me më shumë se 2 milionë njerëz në vit që udhëtojnë nga Kalifornia drejt Tijuana in 2018.