Vazhdon numërimi i votave në Shqipëri, kaq vota kanë marrë kandidatët e Vetëvendosjes

Është duke vazhduar procesi i numërimit të votave për zgjedhjet parlamentare 2021 në Shqipëri.

Sipas Komisionit Qendror të Zgjedhjeve, përcjell Telegrafi, deri në orën 09:00 janë numëruar 1,488 qendra të votimeve nga 5,199 sa janë në total.

Deri më tani, Partia Socialiste ka marr 204,584 vota apo 49.8 për qind, e ndjekur nga Partia Demokratike me 158,294 vota apo 38.53 për qind.

Lëvizja Socialiste për Integrim ka 29,190 vota apo 7.11 për qind dhe Partia Socialdemokrate e udhëhequr nga Tom Doshi ka 7,879 vota apo 1.92 për qind.

Lexo po ashtu Zgjedhjet në Shqipëri – PS prin me 49.8 për qind

Në zgjedhjet e së dielës kanë qenë edhe tre kandidatë të Lëvizjes Vetëvendosjes, Boiken Abazi, Iljaz Shehu dhe Kreshnik Merxhani.

Sipas të dhënave të KQZ-së, deri tani Boiken Abazi ka marrë 568 vota, Iljaz Shehu 102 dhe Kreshnik Merxhani 43.

Në këto zgjedhje kanë pasur të drejtë të votojnë 3,588,869 qytetarë me të drejtë vote.

Për 140 vende në Parlamentin shqiptar kanë garuar 1,841 kandidatë nga 13 parti, koalicione apo të pavarur, ku prej tyre 39.76 për qind ose 732 janë kandidate femra. /Telegrafi/