Telefoni i parë me sistemin operativ HarmonyOS

Kohët e fundit, Huawei zbuloi një version të Mate 40 Pro 4G dhe Mate X2 4G në faqen e tij zyrtare pa bujë.

Sidoqoftë, këto telefona inteligjentë nuk mbështesin 5G, por pjesa tjetër e konfigurimit është e njëjtë si me versionin 5G. Këto janë telefonat e parë që pritet të mbërrijnë me sistemin operativ HarmonyOS të Huawei.

Sipas njërit prej raporteve, versioni Huawei Mate 40 Pro 4G ka një certifikatë të re.

Parametrat e harduerit janë në thelb të njëjtat me versionin 5G. Procesori është ende Kirin 9000, por për shkak të kufizimeve nuk mbështet 5G, transmeton Telegrafi.

Ajo që është veçanërisht interesante në lidhje me këtë pajisje është se ajo vjen me zgjidhjen e softuerit Huawei HarmonyOS 2.0.

Prandaj, do të jetë telefon inteligjent i parë Huawei që do të drejtojë këtë sistem operativ.

Përveç Kirin 9000 SoC dhe HarmonyOS, Mate 40 Pro vjen me një ekran të lakuar 6.76 inç me 68 shkallë.

Ky telefon inteligjent mbështet njohjen 3D të fytyrës dhe sensori i tij i gjurmëve të gishtave është në ekran.

Përveç kësaj, kjo pajisje përdor një cilësim të dyfishtë të kamerës së përparme me një kamerë kryesore 50MP në pjesën e pasme.

Përveç sensorit kryesor 50MP, ai gjithashtu ka lente me kënd shumë të gjerë 20MP dhe një lente 12MP 5X periskop që mund të arrijë zmadhim optik 7X. /Telegrafi/