“Mytma Beatin” kryen xhirimet e emisionit të radhës në Ferizaj, gjurmon talentët e hip-hopit atje

Emisioni “Mytma Beatin” është tashmë një format i ri, i cili po u jep hapësirë të rinjve të talentuar të rrymës hip-hop.

Ata udhëtojnë nga java në javë në vende të ndryshme, për të realizuar xhirimet e emisionit në lagjen e rep-artistit pjesëmarrës.

Këtë javë, emisioni “Mytma beatin” është nisur drejt Ferizajt, për të gjurmuar disa nga talentet e rinj atje.

Telegrafi ka përcjell nga afër xhirimet e këtij edicioni, i cili i plotë do të publikohet për shikuesit të shtunën në RTV Dukagjini, me fillim nga ora 23:00.

Emisioni gjithashtu jepet direkt edhe në kanalin zyrtar të “Mytma Beatin” në YouTube.

Ndërkohë për të rejat më të fundit rreth artistëve të rinj dhe emisionit, shikuesit mund të vizitojnë faqen e tyre zyrtare në Instagram, ku shumica edhe mund të bëhen pjesë e “Mytma beatin”, duke realizuar video me këngët që interpretohen në emision.

Në fund të këtij emisioni maratonik 12 javor, fituesi i përzgjedhur do të fitojë falas një këngë dhe klip profesional, gjersa do të ketë shpërblime edhe për vendin e dytë dhe të tretë. /Telegrafi/