LAJMI I FUNDIT:

OKB kërkon prova që princesha Latifa është gjallë

OKB kërkon prova që princesha Latifa është gjallë

Kombet e Bashkuara u bënë thirrje Emirateve të Bashkuara Arabe që të sigurojnë “prova konkrete” se princesha Latifa Al Maktoum, vajza e sundimtarit të Dubait, është gjallë.

Në një deklaratë të lëshuar të martën në Gjenevë, ekspertët e të drejtave të njeriut po ashtu thanë se ajo duhet të lirohet “urgjentisht”.

Princesha Latifa ka bërë përpjekje të ikë nga Dubai në vitin 2018.

Në një video të ndarë me BBC-në, ajo ka thënë se komandot e kanë droguar dhe e kanë kthyer në paraburgim.

Familja mbretërore e Dubait ka thënë më herët se princesha Latifa po mbahet “nën kujdes në shtëpi”.

Më 5 mars, Kombet e Bashkuara kanë thënë janë në pritje të detajeve nga Emiratet e Bashkuara Arabe – dy javë pas kërkesës për prova të jetës.

Në deklaratën e së martës, ekspertët e Kombeve të Bashkuara i bënë thirrje edhe një herë Qeverisë së Emirateve të Bashkuara që “të sigurojë informacione pa vonesa” për fatin e princeshës Latifa.

Ata kërkuan “verifikim të pavarur të kushteve nën të cilat mbahet dhe lirimin e saj të menjëhershëm”.

“Deklarata e lëshuar nga autoritetet e Emirateve se ajo është nën kujdes në shtëpi, nuk është e mjaftueshme në këtë fazë”, thanë ekspertët e OKB-së.

Në regjistrimin e marrë nga BBC në muajin shkurt, princesha Latifa ka thënë se ajo po mbahet peng në një “vilë të shndërruar në burg”, pa pasur asnjë qasje në ndihmë mjekësore.

Babai i Latifës, sheiku Mohammed bin Rashid Al Maktoum, është një nga liderët më të pasur në botë, sundimtar i Dubait dhe nënkryetar i Emirateve të Bashkuara Arabe. /REL/

Në trend Botë

Më shumë
Murphy: Atmosfera politike në Bosnjë më e keqe se lufta, Dodik përgjegjës

Murphy: Atmosfera politike në Bosnjë më e keqe se lufta, Dodik përgjegjës

Botë
Një mik që nuk e kishte parë prej 20 vitesh i hipi në taksi - miliona njerëz emocionoi skena nga Dallasi

Një mik që nuk e kishte parë prej 20 vitesh i hipi në taksi - miliona njerëz emocionoi skena nga Dallasi

Amerika
Miliona njerëz mbetën pa energji elektrike në pak sekonda, këto janë tri teoritë që shkaktuan terrin në Ballkan

Miliona njerëz mbetën pa energji elektrike në pak sekonda, këto janë tri teoritë që shkaktuan terrin në Ballkan

Botë
Dronët e vegjël së shpejti do të humbasin avantazhin luftarak, thotë shefi i ushtrisë franceze

Dronët e vegjël së shpejti do të humbasin avantazhin luftarak, thotë shefi i ushtrisë franceze

Evropa
Anija amerikane mbërrin në Korenë e Jugut për stërvitje të përbashkëta ushtarake

Anija amerikane mbërrin në Korenë e Jugut për stërvitje të përbashkëta ushtarake

Botë
Familja amerikane kërkon 80 mijë dollarë dëmshpërblim nga NASA pasi mbeturinat hapësinore goditën shtëpinë e saj

Familja amerikane kërkon 80 mijë dollarë dëmshpërblim nga NASA pasi mbeturinat hapësinore goditën shtëpinë e saj

Botë
Kalo në kategori