Loriana Kuka mposht ukrainasen Turchyn dhe kalon në çerekfinale të Kampionatit Evropian

Xhudistja jonë, Loriana Kuka ka mposhtur ukrainase Anastasiya Turchyn, duke siguruar kalimin në çerekfinale të Kampionatit Evropian të xhudos që po mbahet në Lisbonë të Portugalisë.

Edhe dita e sotme (e diel) ka nisur mirë dhe me fitore për Kosovën në xhudo, ku kësaj radhe krenar po na bënë Loriana Kuka.

Kuka, e cila garon në kategorinë deri 78 kilogramë ka arritur të triumfojë në ndeshjen e parë të zhvilluar ndaj ukrainases, Turchyn.

Xhudistja pejane ka fituar me ‘ippon’ dhe ka siguruar kalimin në çerekfinale të Kampionati Evropian që po mbahet në Lisbonë.

Në çerekfinale, Loriana do të përballet me austriaken Bernadette Graf.

Lexo po ashtu Kosova e para deri më tani me medalje të fituara në Kampionatin Evropian të xhudos

Ndryshe, Kosova deri më tash në Kampionatin Evropian në Lisbonë i ka fituar tri medalje, dy të arta dhe një të bronztë dhe kryeson renditjen e shteteve pas ditës së dytë të garave.

Distria Krasniqi në kategorinë deri 48 kilogramë dhe Akil Gjakova në atë deri 73 kilogramë kanë fituar të artën, ndërsa Nora Gjakova në kategorinë deri 57 kilogramë të bronztën. /Telegrafi/