Drejtori i cili ngriti pagën minimale për punonjësit thotë se të hyrat e kompanisë amerikane janë trefishuar

Kompania me qendër në Seattle “Gravity Payments” ka trefishuar të ardhurat e saj që kur drejtori ekzekutiv i saj Dan Price ngriti pagën minimale të punëtorëve të kompanisë në 70,000 dollarë, gjashtë vjet më parë.

Sipas mediave të huaja, përcjell Telegrafi, ka qenë vetë Price ai që ka konfirmuar se para ndryshimit të politikës së pagës, “Gravity Payments” kishte një vëllim qarkullimi prej 3.79 miliardë dollarë në 2014, dhe vitin e kaluar, pavarësisht nga pandemia, kompania kishte një vëllim prej 11 miliardë dollarë dhe vlerësohet se do të arrijë në rreth 13.5 miliardë dollarë këtë vit.

“Kur ju paguani punëtorë mjaftueshëm për të përmbushur nevojat e tyre, kjo krijon një rrjet sigurie”, ka thënë Price për Newsweek, përcjell Telegrafi.

“Ata nuk duhet të stresohen më shumë për të bërë para të mjaftueshme për të mbuluar gjërat themelore dhe krijon një situatë ku njerëzit mund të përqendrohen në punën e tyre, përparimin në karrierë dhe rritjen e aftësive të tyre”.

“Ekziston një ndjenjë krenarie që ndien dikush kur po siguron një pagë jetese të mirë dhe se zëri i tij ka rëndësi, gjë që është e mirë për produktivitetin. Qarkullimi i punonjësve tanë gjithashtu u shkurtua në gjysmë që kur kemi zbatuar politikën tonë të pagës”.

Ai kishte habitur udhëheqësit e tjerë të biznesit në vitin 2015 kur kishte njoftuar se do të zvogëlonte pagën e tij prej 1,1 milion dollarë gjatë tre viteve të ardhshme për të financuar një pagë minimale prej 70,000 dollarë për çdo punonjës në kompaninë e përpunimit të kartave të kreditit që ai bashkë-themeloi.

6 years ago today I raised my company’s min wage to $70k. Fox News called me a socialist whose employees would be on bread lines.

Since then our revenue tripled, we’re a Harvard Business School case study & our employees had a 10x boom in homes bought.

Always invest in people. pic.twitter.com/o7Ca7I4b7e

— Dan Price (@DanPriceSeattle) April 13, 2021

Siç thuhet më tej, përcjell Telegrafi, vendimi për të rritur pagën e stafit erdhi pasi Price mësoi se një nga punonjësit e tij po fshihte një punë të dytë në mënyrë që të përballonte kostot e jetesës.

Price shkruajti në Twitter: “Një punonjëse po punonte fshehurazi një punë të dytë në McDonald’s. Ishte e qartë që isha një drejtor i tmerrshëm që po dështonte punonjësit e tij. Unë i dhashë asaj një ngritje për të lënë atë punë. Askush nuk duhet të bëjë dy punë për të siguruar jetesën”.

Dhe Price postoi një mesazh në Twitter dhe video të mërkurën duke treguar se si kompania ka qëndruar për të sfiduar pritjet e dështimit.

Që nga rritja e pagave gjashtë vjet më parë, shkruajti Price, baza e punonjësve të kompanisë u rrit me 70 për qind dhe numri i klientëve u dyfishua.

Ai gjithashtu përmendi se numri i anëtarëve të stafit që kishin foshnje dhe kishin blerë shtëpi – të dy rastet – rrit me 10 herë në atë periudhë, dhe “lëvizja” e punonjësve përgjysmë.

Price tha se “bumi i foshnjave” ishte rezultati më i papritur i realizuar përmes ndryshimit të politikës së pagës. /Telegrafi/