Influencuesi i Instagramit: Unë isha i pastrehë, ndërsa sot fitoj deri në 3 mijë euro në muaj nga ky rrjet social

Dave Anica flinte në rrugë si adoleshent dhe sot ai ndiqet nga miliona në TikTok.

Ish-administratori nga British Horsham tani është 30 vjeç dhe fiton ekskluzivisht nga rrjetet sociale.

“Unë në fillim kam qenë i përfshirë në media sociale, më shumë si një hobi. Por, vendosa t’i përkushtohesha atyre me kohë të plotë, sepse gjithsesi e dija se fitimet ishin të mëdha”, tha Anica për The Sun.

View this post on Instagram

A post shared by Daveanica London blogger (@daveanica)

“Ishte e tmerrshme të humbja punën time, unë investova gjithçka që duhej të bëhesha dikushi në këto rrjete sociale dhe ishte shumë e vështirë për mua si i huaj në këtë vend. Por ndjekësit e mi ishin me mua në momente të vështira. Unë i them atyre se ata janë familja ime”, shtoi ai, transmeton Telegrafi.

Kur humbi punën, ai kishte 24,000 ndjekës në Instagram dhe 200,000 në TikTok. Tani ai ndiqet nga pak më shumë se 30,000 njerëz në Instagram dhe numri i ndjekësve të tij në TikTok është dyfishuar.

Megjithëse angazhimi i tij me kohë të plotë ndaj mediave sociale ishte një hap i pasigurt në të panjohurën, dhe Dave nuk e dinte se do të kishte sukses.

Në moshën 19 vjeç, ai u transferua në Paris nga Portugalia me vetëm 800 euro në xhep për të ushtruar vallëzimin. Ai gjithashtu ishte i pastrehë për një kohë dhe u detyrua të flinte në rrugë.

“Fitova një punë në një klub, por më mbaruan paratë ndërsa isha duke pritur për pagën time të parë. Pastaj më vodhën portofolin në metro. Për katër ditë nuk mund ta përballoja hotelin në të cilin po qëndroja, gjë që kushtoi vetëm 15 euro në natë. Por isha shumë krenar për të treguar se kisha probleme, kështu që nuk kërkova ndihmë dhe vazhdova të veproja sikur gjithçka ishte në rregull.

View this post on Instagram

A post shared by Daveanica London blogger (@daveanica)

Dave tani fiton midis 2,000 dhe 3,000 euro në muaj vetëm nga Instagram, falë kontratave me marka si River Island dhe Amazon.

View this post on Instagram

A post shared by Daveanica London blogger (@daveanica)

“Zakonisht ngrihem në 7:30 të mëngjesit. Gjëja e parë që bëj është të postoj në Instagram, dhe pastaj të shikoj komentet nga dita e mëparshme. Regjistroj dy deri në tre orë për TikTok, dhe më pas për Instagram ku postoj dhe histori përmes të cilave portretizoj jetën time të përditshme”, përshkruan ai.

“Ata më thonë se është një punë mjaft e lehtë sepse njerëzit nuk e kuptojnë atë, por unë do t’u thosha njerëzve të tillë që është shumë më e vështirë se sa duket. Shumica prej nesh janë autodidakt në fotografi, videografi, redaktim, regjisurë. .. Ka shumë punë të kombinuara në një. Unë jam krenar se nga vij dhe çfarë kam arritur, por pa ndjekësit e mi nuk do të isha aty ku jam”, përfundoi ai, duke shtuar se ai punon shtatë ditë në javë. /Telegrafi/

View this post on Instagram

A post shared by Daveanica London blogger (@daveanica)