Pas dy përpjekjeve të dështuara për të siguruar fletvotimet e domosdoshme në kutinë e votimit për zgjedhjen e presidentit, Kuvendi i Kosovës do të vazhdojë sot seancën e jashtëzakonshme, të nisur dje, për zgjedhjen e presidentit të vendit.
Të shtunën, Kuvendi i Kosovës u mblodh për ta zgjedhur të parin e shtetit, por nuk arriti pasi mungonin 80 votat e nevojshme në kuti, ndonëse në sallë kishte kuorum prej 82 deputetësh.
Në dy votimet e raundit të parë votuan 78, respektivisht 79 deputetë, përfshirë këtu edhe Albena Reshitajn e AAK-së, e vetmja nga depuetët e kësaj partie që mori pjesë në seancë.
Prandaj sot në orën 17:00 pritet të vazhdojë seanca, pas dy tentimeve të dështuara gjatë së shtunës.
Vjosa Osmani dhe Nasuf Bejta janë dy kandidatët e propozuar për president nga Lista “Guxo”.
Ani pse Lidhja Demokratike e Kosovës ia kishte premtuar Osmanit bërjen e kuorumit, deputetët Avdullah Hoti, Agim Veliu dhe Driton Selmanaj, nuk morën pjesë në votim, shkruan Telegrafi.
Por, jo vetëm tre deputetët e LDK-së ishin “fajtorë” për dështimin e zgjedhjes së presidentit.
Ishte menduar se 81 vota ishin të sigurta për zgjedhjen e Vjosa Osmanit presidente.
Konsiderohej se me 12 nga 15 votat e LDK-së dhe 69 votat e LVV-së me partnerët e koalicionit nga minoritetet (pa Listën Serbe) do të bëheshin 81 votat e mjaftueshme për kuorum dhe zgjedhjen e presidentes.
Ishin dy deputetët nga komunitetet pakicë, Adem Hoxha, i Partisë së Goranëve të Kosovës dhe deputeti tjetër nga Iniciativa Rome, Fadil Gashi që kanë dështuar në momentin e fundit, duke mos marrë pjesë më seancë.
Kryetari i Partisë së Goranëve të Kosovës, Adem Hoxha ditë më parë pas takimit me ushtruesen e detyrës së presidentes Vjosa Osmani dhe me liderin e Lëvizjes Vetëvendosje, Albin Kurti kishte thënë se bllokadën e institucioneve nuk e shohin si metodë për zgjidhjen e problemeve.
Në seancë ka munguar edhe deputeti nga Iniciativa Rome, Fadil Gashi, i cili dy javë më parë pas takimit me Kurtin e Osmanin, nuk kishte treguar nëse do ta votojë as Qeverinë Kurti.
Pavarësisht se PDK-ja kishte paralajmëruar bojkotimin e seancës për presidenten, LVV dhe Vjosa Osmani, shpresonin se deputeti i kësaj partie Xhavit Haliti do të ishte në seancë dhe do të votonte për zgjedhjen e presidentes, shkruan Telegrafi.
Ai ditë më parë kishte thënë se do ta votonte Vjosa Osmanin për presidente dhe do duhej ta votonin të gjithë deputetët, sepse pos tjerash është kërkesë e SHBA-së.
Por, të shtunën Haliti nuk u shfaq në Kuvend, duke deklaruar se është jashtë Kosovës dhe se shtuna dhe e diela janë ditë pushimi.
I mbetet LVV-së dhe grupit të Vjosa Osmanit në Kuvend që të sigurojnë edhe një votë, në mënyrë që sot të përfundojë saga e zgjedhjes së presidentit.
Ushtruesja e detyrës së shefes së Grupit Parlamentar të Lëvizjes Vetëvendosje, ka bërë të ditur sot se nuk kanë pasur kontakte me deputetin nga radhët e Partisë Demokratike të Kosovës, Xhavit Halitin, në mënyrë që ta sigurojnë votën e 80-të për kandidaten e kësaj partie për presidente, Vjosa Osmanin.
Ajo ka theksuar se janë në bisedime me disa deputetë të cilët sipas saj kanë pasur një vullnet më të mirë që të marrin pjesë në votimin e presidentes dhe gjithashtu pret që edhe dy deputetët nga pakicat sot të marrin pjesë në seancë.
Edhe ambasadorët e vendeve të QUINT-it në vendin tonë u kanë bërë thirrje deputetëve të Kuvendit të Kosovës që të përmbushin obligimin dhe përgjegjësinë që kanë marr ndaj popullit të Kosovës dhe të marrin pjesë në seancë dhe të sigurojnë kuorumin për zgjedhjen e presidentit.
Mbetet të shihet nëse sot në orën 17:00 do të ketë vazhdim të seancës dhe nëse LVV dhe Vjosa Osmani do të sigurojë kuorumin dhe votat e mjaftueshme për zgjedhjen e presidentit.
Zgjedhje e presidentit duhet të kryhet brenda afatit kushtetues. Ish-kryetari i Gjykatës Kushtetuese, Enver Hasani ka thënë se në këtë formë siç është duke u votuar në Kuvendin e Kosovës, nuk është konsumuar raundi i parë i votimit dhe kjo sipas tij mund të vazhdojë deri më datë 5 maj.
Nëse deri më 5 maj nuk zgjidhet presidenti, atëherë nuk do të ketë as kush t’i shpallë zgjedhjet, pasi nuk ka ushtrues detyre të presidentit.
Zgjedhjet e jashtëzakonshme duhet të mbahen brenda 45 ditësh, pas dështimit të zgjedhjes së të parit të vendit. /Telegrafi/
s
Promo
Reklamo këtuLufta Prigozhin - Putin
Më shumëNga Rubrika
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Dashtevski: Jemi të përgatitur për zgjedhjet, rezultatet e para do të shpallen para mesnate
“Veriu nuk e mbulon korrupsionin në institucione”, analistët komentojnë raportin e DASH-it për Kosovën
Ambasadori i Finlandës: Anëtarësimi i Kosovës në NATO do të bëhet realitet
Tension në Kuvend mes PDK-së e LVV-së, Shala ia ndalon fjalën Kusari-Lilës – nënkryetarja thërret sigurimin
28 vite burgim dhe mbi 50 mijë euro gjobë ndaj shtatë të akuzuarve për kultivimin të bimëve narkotike dhe posedim të marihuanës
Pas skandalit në TikTok, Policia kërkon ndihmë për kapjen e shtetasit të Shqipërisë, i cili ndodhet në një burg në Francë
“Paratë, ose do të vras djalin”, polici kërcënon qytetarin se nuk i dha ryshfet
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe