Arrestimi i mbi 20 zyrtarëve policorë dhe suspendimi i më shumë se 30 policëve vetëm gjatë këtyre tre muajve të parë të vitit për dyshime për vepra të ndryshme penale, ka shtruar dilemën se çfarë po ndodhë me Policinë e Kosovës.
Në këtë javë do të tregojmë se cilat kanë qenë rastet më të rënda të dyshimeve për përfshirjen e zyrtarëve policorë në vepra penale, çfarë kanë bërë me këto raste institucionet e drejtësisë dhe çfarë thonë qytetarët për besimin në policinë.
Emina Haxhiu, një infermiere nga Prishtina e cila javën qe shkoi u pa në një video që u bë virale, derisa reagoi ndaj disa policëve në Rrugën B, të cilët e përdoren një sprej ndaj saj, derisa po i shqiptonin një gjobë për shkak së qenit të saj nuk i kishte vendosur maskë mbrojtëse.
Emina për emisionin ‘Udhëve’ të RTK-së tregon versionin e saj për ngjarjen, vetëm pak momente pasi ka dhënë deklaratë disa orëshe në Inspektoratin Policor të Kosovës.
Ajo tregon se kishte dalë për të shitur qenin si çdoherë dhe kishte ardhur policia.
Megjithatë, nga ajo që e thotë Emina, e tëra erdhi si rezultat i komunikimit të keq mes saj dhe policëve.
“Filluan shumë m’u sillë në mënyrë barbare me mu… ia nisën tu e ngritë zanin… kur flas boj me durë, ajo mënjeherë nisi mos um qit ti me dur a e di me kon je tu folë… mos mu ofro se ta vnoj sprejin…dikur mo veç kur me ka ardhë. Unë u mundojsha me ua shpjegu që qeni i ka vetëm 8 muaj … u sillën në mënyrë s’di… jo të mirë”, thotë ajo.
E situata ishte tensionuar edhe më shumë, kur ndaj qytetares është përdorur sprej.
“Masi më kanë vnu sprej unë vetëm fillova me dalë prej kontrolles…unë nuk degjojsha … fillun me bërtitë mos u ofroni se iu kafshon qeni,…mos u afroni”, shton tutje ajo.
Me rastin e Emina Haxhiut po merret Inspektorati Policor i Kosoves. Derisa avokati Arianit Koci përdorimin e sprejit ndaj një vajze të re që ishte e vetme në këtë, rast karshi 4 policëve e sheh si tejkalim të autorizimeve. Andaj, ai thotë se është e rëndësishme që opinioni të sensibilizohet dhe të denoncojë policët, sa herë që shkelin ligjin.
“Të sensibilizohet popullata… qytetari e ndihmon shume policinë. Është përdorë spreji kur nuk ka pasë nevojë. Pas sprejit vjen vetëm edhe revolja m’u përdorë”, thotë Koci.
E per kryeshefin e Inspektoratit Policor te Kosoves Kushtrim Hodaj, IPK po heton rrethanat ne te cilat eshte perdorur spreji ndaj vajzes nga Prishina.
“Natyrisht se i kemi parë. Veprime hetimore të menjëhershme. Në radhë të parë si e kanë raportu policia si rast”, thotë Hodaj.
Ky është vetëm njëri nga rastet e shumta të dyshimit për përdorim të forcës jo proporcionale nga ana e zyrtarëve policorë, derisa po kryenin detyrën e tyre në një lagje në Prishtinë.
Raportimet e fundit për arrestimin e mbi 20 zyrtarëve policorë vetëm në keta muaj të vitit dhe suspendimin e më shumë se 30 tjerëve, kanë ngritur megjithatë dilemën se çfarë po ndodhë me Policinë e Kosovës.
“Është e vërtetë, IPK përkunder rrtahanave ka arrestuar mbi 20 zyrtarë policorë vetëm gjatë kësaj periudhe. Kemi suspenduar mbi 30 në raste të ndryshme të përfshirë në veprimtari penale“, shton ai.
Njëri nga rastet më të mëdha është ai i dyshimit të përfshirjes së policëve në trafikim me qenie njerëzore, prostitucion, kontrabandë, organizim i lojërave të fatit dhe keqpërdorim i detyrës zyrtare, për çka vetëm në Karaçevë janë arrestuar mbi 17 policë në shtator të vitit të kaluar.
Një rast tjetër shumë i rëndë u publikua këtë në fillim të këtij viti. Portal “Sinjali’, publikoi një video incizim që ishte edhe shkak për arrestimin e pjesëtarit të Njësisë së Reagimit të Shpejtë Haris Kelmendi, i cili e kishte keqtrajtuar një qytetar në stacionin policor.
Lufta Prigozhin - Putin
Më shumëNga Rubrika
Ali Ahmeti shpallet “Qytetar Nderi” i Tiranës, Rama: Falë tij, shqiptarët në RMV po jetojnë ditët më të mira
Kasami: VLEN si pjesë e Qeverisë do të jetë në shërbim të qytetarëve dhe bizneseve
“Ju kemi njohtë para lufte…ju njohim edhe tash”, Haxhiu, opozitës: Milionerë nuk ishit, jeni bërë vetëm duke qenë në qeveri
Vrasja e Liridona Ademajt - edhe dy muaj paraburgim për Naim Murselin dhe dy të tjerët, i dyshuari i katërt mbrohet në liri
Protestuesit hyjnë në Kuvend me pankarta për të drejtën e votës së emigrantëve, hedhin letra drejt deputetëve
Siljanovska: Nuk do t'i largojë tabelat Maqedonia e Veriut, dhe do ta përdor vetëm Maqedonia
Mentor Latifi emërohet ambasador i Kosovës në Zvicër
A po kushtëzohet anëtarësimi i Kosovës në Këshill të Evropës me themelimin e Asociacionit?
Aktivisti i Luginës, Muharrem Salihu kandidati i parë nga Italia për zgjedhjet në Parlamentin Evropian
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit