Lëvizja serbe, “Gratë në të zeza” protestojnë në Beograd: Ndalojeni ksenofobinë kundër shqiptarëve

Lëvizja anti-luftë, “Gratë me të Zeza” mbajti një aksion me rastin e Ditës Ndërkombëtare kundër Racizmit, e cila dënon gjuhën e urrejtjes, intolerancën dhe ksenofobinë kundër komunitetit shqiptar në Serbi, si dhe kundër shqiptarëve të Kosovës.

Lëvizja thotë se përfaqësuesit më të lartë të shtetit të Serbisë po fusin terma racistë dhe diskriminues në komunikimin zyrtar dhe se kjo legalizon gjuhën shoviniste dhe raciste të urrejtjes dhe shkel Kushtetutën dhe ligjet në fuqi, transmeton Telegrafi.

Si një shembull i nxitjes së intolerancës racore dhe kombëtare, lëvizja shënoi shfaqjet e Ministrit të Policisë, Aleksandar Vulin, i cili përdor fjalën “Shiptar” për shqiptarët, raporton n1.

Lexo po ashtu BE i reagon Vuçiqit pas publikimit të hartës së Kosovës të mbuluar me flamurin serb

“Gratë në të Zeza” u bënë thirrje institucioneve kompetente të reagojnë dhe sanksionojnë Vulin dhe të gjithë të tjerët që përhapin diskriminim racor.

Aksioni, i cili kaloi paqësisht, u sigurua nga anëtarët e Ministrisë së Punëve të Brendshme.

Ndryshe, presidenti serb, Aleksandar Vuçiq ditë më parë kishte reagime vendore dhe ndërkombëtare teksa në rrjtetet sociale kishte publikuar një hartë të Kosovës të mbuluar me flamurin serb. /Telegrafi/