Zgjedhjet në Holandë, Mark Rutte fiton mandatin e katërt

Mark Rutte ka arritur një “fitore të thellë” në zgjedhjet kombëtare në Holandë, duke u zotuar të përdorë një mandat të katërt në detyrë për të rindërtuar vendin pas pandemisë së coronavirusit.

Pas një fushate gjatë pandemisë dhe parë si një referendum mbi performancën e qeverisë gjatë krizës, rezultatet e anketave sugjeruan që VVD kishte fituar 35 nga vendet në parlamentin me 150 vende, dy më shumë se në zgjedhjet e mëparshme.

“Votuesit e Holandës i kanë dhënë partisë time një votë të madhe besimi”, ka thënë Rutte i qeshur para gazetarëve në parlament.

Rutte tha se “jo gjithçka ka shkuar mirë në 10 vitet e fundit”, përfshirë dorëheqjen e tij në janar për shkak të një skandali në të cilin njerëzit ishin të profilizuar në mënyrë raciale dhe më pas u akuzuan në mënyrë të rreme për mashtrim të përfitimeve të fëmijëve.

“Por sigurisht që çështja kryesore gjithashtu në tryezë për vitet e ardhshme është se si të rindërtojmë vendin duke ecur përpara pas coronavirusit”.

Ai shtoi: “Kam energji edhe për 10 vjet të tjera”. /Telegrafi/