Refuzonte të blinte vaksina dhe tallej me pandeminë, presidenti i Tanzanisë humb jetën shkaku i COVID-19

Udhëheqësi 61-vjeçar me nofkën dikur “buldozeri” ka vdekur, pas javësh spekulimesh se ishte infektuar me COVID-19. Shumë njerëz do ta kujtojnë atë për trajtimin e diskutueshëm të pandemisë në Tanzani.

Presidenti i Tanzanisë, John Pombe Magufuli ka vdekur në moshën 61-vjeçare, njoftoi qeveria të mërkurën.

Duke njoftuar vdekjen e tij në një adresim të drejtpërdrejt në televizion, nënpresidentja, Samia Suluhu Hassan tha se Magufuli kishte vdekur nga një sulm në zemër, raporton dw.

TANZIA: Makamu wa Rais, Samia Suluhu Hassan akitangaza kifo cha Rais wa Tanzania, Dkt. @MagufuliJP kilichotokea leo Machi 17, 2021. pic.twitter.com/8DcoBFic1z

— Swahili Times (@swahilitimes) March 17, 2021

Që kur pandemia u deklarua në muajin mars të vitit 2020, Magufuli kishte minimizuar ashpërsinë e virusit.

Në një moment, ai u tall me objektet e testimit të coronavirusit të vendit, duke thënë se kishte dërguar fshehurazi mostra të deleve dhe se ato dolën pozitive.

Tanzania kishte ndaluar së përditësuari numrin e njerëzve të infektuar dhe të vdekur për shkak të COVID-19.

Shifrat e fundit të coronavirusit të vendit u dhanë në maj të vitit të kaluar. Në atë kohë, 509 njerëz u konfirmuan se ishin infektuar me virus dhe 29 kishin vdekur. /Telegrafi/