Një raport i inteligjencës amerikane që pritet të deklasifikohet të premten implikon Princin e Kurorës të Arabisë Saudite, Mohammed bin Salman, në miratimin e vrasjes së kolumnistit të Washington Post, Jamal Khashoggi, sipas një personi të njohur me gjetjet e raportit, shkruan Bloomberg.
Sipas Bloomberg, , përcjell Telegrafi, raporti është i ndërtuar në të dhënat e klasifikuara nga CIA dhe agjencitë e tjera pas vrasjes së Khashoggi në tetor të vitit 2018 brenda konsullatës Saudite në Stamboll, sipas personit, i cili foli në kushte anonimiteti sepse raporti nuk është lëshuar ende.
Gjithsesi, shkruan ky medium, nuk ishte menjëherë e qartë se sa detaje do të ofrojë versioni i deklasifikuar i raportit mbi rolin e Princit Mohammed.
Vendimi për lëshimin e raportit, i përpiluar nga Zyra e Drejtorit të Inteligjencës Kombëtare, pasqyron vendosmërinë e administratës Joe Biden për të “rikalibruar” marrëdhëniet me Arabinë Saudite, eksportuesi më i madh në botë i naftës, mbi të dhënat e saj për të drejtat e njeriut.
Dhe para botimit të raportit, presidenti Joe Biden mbajti një telefonatë të enjten me Mbretin Salman të Arabisë Saudite.
Biden diskutoi mbi sigurinë rajonale dhe përpjekjen e ripërtërirë të SHBA-së dhe të Kombeve të Bashkuara për t’i dhënë fund luftës në Jemen.
Ai gjithashtu “pohoi rëndësinë që Shtetet e Bashkuara i kushtojnë të drejtave universale të njeriut dhe sundimit të ligjit”, tha Shtëpia e Bardhë në një deklaratë, përcjell Telegrafi.
Ndryshe, Princi Mohammed ka mohuar çdo përfshirje në vrasje, ndërsa tha se ai pranon përgjegjësi simbolike si sundimtari de facto i vendit.
Zyrtarët sauditë kanë thënë se vrasja u krye nga agjentë mashtrues të cilët janë ndjekur penalisht.
Zëdhënësi i Departamentit të Shtetit, Ned Price, nuk ka pranuar të komentojë kur u pyet në lidhje me raportin të enjten, por sugjeroi që SHBA po shikonte mënyra të tjera për të ndëshkuar autorët.
Ndër opsionet mund të jetë “shkurtimi” i shitjeve të armëve për Arabinë Saudite dhe vendosja e sanksioneve, tha ai pa shtjelluar më tej.
Po sipas Bloomberg, as autoritetet Saudite nuk i janë përgjigjur menjëherë një kërkese për koment mbi vendimin e Biden për të lëshuar raportin, ose mundësinë që SHBA mund të vendosë sanksione ndaj një prej aleatëve të saj më të afërt dhe më të rëndësishëm të Lindjes së Mesme.
Arabia Saudite dominon rajonin arab të Gjirit gjeografikisht, është fuqia e saj ekonomike dhe ka qenë për dekada me radhë një faktor i rëndësishëm politik në çështjet rajonale. /Telegrafi/
Lufta Prigozhin - Putin
Më shumëNjë nga qytetet më të mëdha në botë po fundoset - do të shpenzohen 35 miliardë dollarë për ndërtimin e një kryeqyteti të ri
Deshifrohet një tekst i lashtë - ai tregon se si dukej mbrëmja e fundit e Platonit
Mallkimi i Faraonit: Mitet dhe realiteti i varreve egjiptiane
Ministri i Jashtëm i Bosnjës e Hercegovinës i reagon Gjuriqit, thotë se e ka keqcituar: Ke gënjyer Marko
Ukrainasit sërish sulmojnë me dron një rafineri nafte në Rusi
Vuçiq humb kontrollin gjatë konferencës, analisten amerikane Ivana Stradner e quan të çmendur
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
UEFA zbulon lojtarin më të shpejtë për këtë edicion në Ligën e Kampionëve
Zyrtare: Bundesliga me pesë skuadra në Champions duke iu falënderuar Dortmundit
A di të ndalet ky Ronaldo? Çfarë goli me këmbën e majtë
Mohamed Salah thyen heshtjen në rrjetet sociale pas përplasjes që kishte me Jurgen Klopp
Të gjithë po pyesin për ritualin e Bellingham para çdo ndeshjeje – anglezi shpjegon përse e bën
Bajrami: Jam i gatshëm ta ndihmoj Kurtin në procesin e Asociacionit