Lista Serbe që kontrollohet nga Presidenti i Serbisë, Aleksandër Vuçiç, u ka siguruar vota personave të caktuar nga parti të komuniteteve të tjera – që më pas të njëjtit të futen në parlament të Kosovës dhe të kontrollohen nga ta.
Kandidatja për deputete e komunitet boshnjak, Adriana Hoxhiq, ka arritur t’i sigurojë rreth 6400 vota në zgjedhjet e 14 shkurtit në komunat ku s’ka asnjë pjesëtar të komunitet boshnjak – votat i mori nga serbët.
Fuqizimin e kësaj liste në Kuvendin e Kosovës përmes kësaj forme, duke dirigjuar edhe deputetët të komuniteteve të tjera, përveç 10 deputetëve serbë që u garantohen si vende të rezervuara, e kanë diktuar, por s’kanë si ta ndalin partitë politike shqiptare.
Ish-deputeti i Lëvizje Vetëvendosje, Fitim Uka, tha për Albanian Post se kjo parti edhe në të kaluarën ka pas rol destruktiv në Kuvend duke bllokuar shumë iniciativa ligjore.
“Dëshirojnë ta përforcojnë rolin e tyre në Kuvend dhe ta pamundësojnë kalimin e ligjeve për të cilat nevojiten 2/3 e deputetëve të Kuvendit”, tha Uka.
“Edhe po shihet qartë që ka qenë një strategji e Listës Serbe që t’i eliminojë figurat të cilat i përfaqësojnë komunitetet jo serbe në Kosovë”.
Uka thotë se Lista Serbe është ende e ndikuar nga Beogradi.
“Ne kemi bërë disa herë thirrje që komunitet jo shumicë në Kosovë t’i votojnë kandidatët të cilët e meritojnë”.
“Duhet të kontrollohet manipulimi i zgjedhjeve dhe të parandalohet, pasi në ditën e zgjedhjeve kemi pasur shumë raportime prej komisionarëve tanë në veri për votim të shumëfishtë atje”.
Por, pikërisht partinë e Ukës, sekretari për çështje elektorale i Partisë Demokratike të Kosovës, Betim Gjoshi, e akuzon se nuk e ka ngritur zërin për këtë temë në Komisionin Qendror të Zgjedhjeve të sivjetme.
Sipas Gjoshit, rritja e Listës Serbe ka ndodhur me “bekimin e LVV-së”.
“LVV-ja që ka qenë më së shumti e përfaqësuar në KQZ në këto zgjedhje, nuk e ka ngritë zërin ashtu siç e kemi ngritë ne të kaluarën dhe nuk e kemi lejuar këtë çështje, me bekimin e tyre është bërë kjo rritje e Listës Serbe”, potencoi Gjoshi.
Madje, sipas Gjoshit, një gjë të tillë sipas tij kishte tentuar ta bënte edhe LVV-ja në vitin 2014.
“Si PDK sa kemi qenë të fuqishëm nuk i kemi lejuar këto tentativa, nuk është hera e parë që është tentuar, është tentuar qysh nga viti 2014 të krijohen subjekte politike që marrin mandate në emër të komuniteteve”.
“Një përpjeke që nga partitë shqiptare të merren mandatet e minoriteve, konkretisht nga Lëvizja Vetëvendosje”.
Për Lidhjen Demokratike të Kosovës, derisa Lista Serbe të funksionojë me instruksionet e Beogradit, nuk do të vije në dyshim qëllimi që të ketë fuqi më të madhe në legjislativ.
Ish-deputeti i kësaj partie, Faton Bislimi, konsideron që ndryshimi i Kushtetutës do ta rregullonte një gjë të tillë.
“Ne e kemi një Kushtetutë që ia ka dhënë këto të drejta dhe përderisa nuk arrijmë ta ndërrojmë kjo është e vetja mundësi. Unë besoj që asaj punë duhet t’i vije rendi shumë shpejt”.
Si të padrejtë tentimin e rritjes së Listës Serbe për t’u rritur duke i dëmtuar komunitet e tjera e sheh edhe nënkryetarja e Aleancës për Ardhmërinë e Kosovës, Time Kadrijaj.
“Nuk është në rregull kjo, sepse komunitet i kanë vendet e rezervuara edhe ashtu qysh parashihet me ligj. Është padrejtësi ndaj komuniteteve tjera në raste të tilla”.
Parlamenti i Kosovës ka 120 ulëse dhe 20 prej tyre janë të rezervuara për komunitetet – 10 për serbët dhe 10 për komunitetet e tjera.
Sa u përket ulëseve të serbëve ato fitohen të gjitha nga Lista Serbe, një parti politike e themeluar dhe e diktuar nga Aleksandër Vuçiq, presidenti i Serbisë.
Promo
Reklamo këtuLufta Prigozhin - Putin
Më shumëDhuna dhe largimi nga banesa dyshohet se e detyruan gruan të mbytet me tre fëmijët e saj në Shkodër, çfarë dihet deri tani për rastin?
Kurti uron besimtarët ortodoksë: Fryma e Pashkës ju dhuroftë mirëqenie, shëndet, lumturi dhe begati
Zhdukja e nënës me tre fëmijët në Shkodër, policia arreston bashkëshortin - dyshohet të jenë mbytur për shkak të dhunës
Sekretari i EFJ-së i reagon Dimal Bashës: Sjellja jote e papërgjegjshme po e dëmton reputacionin e Kosovës
Fruti i pasionit mbillet në Shkodër - Familja Ndoja nga 1 dynym, sot mbjell 15 hektarë
Axhanqiq: Unë takohem me Kurtin hapur, të tjerët fshihen
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak