Zyrtare: Ndryshon vendi për zhvillimin e ndeshjes Atletico Madrid-Chelsea

Ndeshja e parë e Atletico Madridit në Ligën e Kampionëve kundër Chelset nuk do të zhvillohet në Estadio Wanda Metropolitano. Në vend të kësaj, ajo do të zhvillohet në Bukuresht, Rumani.

Kjo për shkak se skuadra dhe stafi i Chelseat nuk janë në gjendje të fluturojnë për në Madrid si rezultat i kufizimeve të coronavirusit midis Britanisë së Madhe dhe Spanjës.

Me këtë në mendje, u kërkua një vend alternativ ku të dy ekipet do të ishin në gjendje të udhëtonin dhe të ktheheshin pa probleme.

Arena Kombëtare në Bukuresht, ku Atletico fitoi finalen e Ligës së Evropës më 2012, është zgjedhur për ndeshjen që do të zhvillohet në 23 shkurt.

Lexo po ashtu Probleme me karantinën, UEFA ndryshon stadiumet e dy ndeshjeve të Ligës së Kampionëve dhe dy të Ligës së Evropës – klubet angleze përfitojnë

“UEFA është në gjendje të konfirmojë zyrtarisht se ndeshja e parë në raundin e 16-të të Ligës së Kampionëve midis Atletico Madridit dhe Chelseat tani do të luhet në Arenën Kombëtare në Bukuresht”, thuhet fillimisht në deklaratën e UEFA-s.

“Data e ndeshjes (23 shkurt 2021) dhe koha e fillimit (21:00) do të mbetet e njëjtë”.

#AtletiChelsea to be played in Bucharest on Tuesday, Feb. 23.

ℹ️ https://t.co/DW97T637f2

🔴⚪ #AúpaAtleti pic.twitter.com/KgYEdagtxk

— Atlético de Madrid (@atletienglish) February 10, 2021

“UEFA do të dëshironte të shprehte mirënjohjen e saj për Atletico Madridin dhe Chelsean për mbështetjen dhe bashkëpunimin e tyre të ngushtë, si dhe federatën Rumune të futbollit për ndihmën e tyre dhe duke rënë dakord për të organizuar ndeshjen”, mbyllet njoftimi.

Ndryshimet e tjera të bëra më herët ishin ato për ndeshjet Borussia Monchengladbach-Manchester City dhe RB Leipzig-Liverpool që do të zhvillohen të dyja në Budapest. /Telegrafi/