Reagon BE-ja: Kosova po e minon perspektivën evropiane me hapjen e ambasadës së saj në Jerusalem

Të hënën, Kosova dhe Izraeli arritën marrëveshje për vendosjen e marrëdhënieve diplomatike në një ceremoni virtuale, e cila përfshiu zbulimin e një pllake në vendin e ardhshëm të ambasadës së Kosovës në Jerusalem.

Gjatë ceremonisë, Ministri i Jashtëm izraelit Gabi Ashkenazi deklaroi se ai tashmë kishte aprovuar një kërkesë për të hapur ambasadën e Kosovës, ndërsa disa raporte sugjerojnë se mund të jetë operacionale që nga muaji mars.

Lexo po ashtu SHBA për vendosjen e marrëdhënieve diplomatike Kosovë-Izrael: Kur partnerët tanë janë të bashkuar, SHBA-të janë më të forta

Vendimin e Kosovës për hapjen e ambasadën e saj në Jerusalem e ka kritikuar gjerësisht në atëkohë, përfshirë Turqinë, Lidhjen Arabe, edhe Bashkimi Evropian.

Jerusalem/Pristina:

Israel & #Kosovo established diplomatic relations in a virtual ceremony, where the FM's signed the agreement.

During the ceremony, the plaque which will be placed at the entrance to Kosovo's new Emb in Jerusalem was revealed.

Congratulations – Urime! 🇮🇱🤝🇽🇰 pic.twitter.com/3VtQ4whdjl

— Israel Foreign Ministry (@IsraelMFA) February 1, 2021

Peter Stano, zëdhënësi i BE për punët e jashtme, sërish kritikoi Prishtinën duke ia rikujtuar se të gjitha ambasadat e vendeve anëtare të BE-së në Izrael janë të vendosura në Tel Aviv.

“Pozicioni i BE-së për lëvizjen e ambasadave në Jeruzalem është i qartë: Në përputhje me rezolutën 478 të Këshillit të Sigurimit të OKB-së, e cila u bëri thirrje të gjithë anëtarëve të KB për të zhvendosur ambasadat e tyre në Tel Aviv, të gjitha ambasadat e vendeve anëtare të BE-së, si dhe delegacionin e BE-së në Izrael, janë të vendosura në Tel Aviv”, tha ai, raporton prishtinainsight.

Lexo po ashtu Ministri i Jashtëm i Izraelit: Sot po bëjmë histori, me Kosovën kemi marrëdhënie të ngrohta dhe miqësore

Ai shtoi se Bashkimi Evropian pret që Kosova të veprojë në përputhje me rrethanat ose të rrezikojë minimin e perspektivës së saj Evropiane.

“Kosova e ka identifikuar integrimin në BE si përparësinë e saj strategjike”, tha Stano. “BE pret që Kosova të veprojë në përputhje me këtë angazhim në mënyrë që perspektiva e saj Evropiane të mos minohet”, shtoi ai.

Ndryshe, vendosja e marrëdhënieve diplomatike midis dy shteteve janë rezultat i marrëveshjeve të arritura në Uashington në shtator midis Kosovës, Serbisë dhe administratës së presidentit amerikan, Donald Trump. /Telegrafi/