Qeni ribashkohet me pronarin e tij, pasi e priti për gjashtë ditë – para një spitali në Turqi

Cemal Şentürk u shtrua në spital në provincën veriore të Trabzonit më 14 janar me një mpiksje gjaku në trurin e tij, dhe së bashku me familjen e një burri 68-vjeçar, qeni i tij Boncuk qëndroi afër tij.

Sipas mediave turke, përcjell Telegrafi, pothuajse një javë më vonë, dëshira e Boncuk për t’u ribashkuar me pronarin e tij përfundoi të mërkurën kur mjekimi i Şentürk përfundoi dhe i moshuari u lirua nga spitali.

Vajza e Şentürk, Ayşe Çapkınoğlu tha se Boncuk shoqëronte familjen çdo ditë kur shkonin në spital për të parë babanë e saj.

“Babai im e mori nëntë vjet më parë, e ushqeu dhe e rriti. Dhe Boncuk tregoi besnikërinë e tij në këtë mënyrë. Boncuk shikoi përreth dhe filloi të qajë kur babai im thirri nga dhoma e spitalit. Ne u habitëm”, tha ajo.

Çapkınoğlu shtoi se përkundër përpjekjeve të tyre për ta marrë qenin në shtëpi, Boncuk kthehej në mënyrë rutinë në spital vetë.

Ndërsa zyrtari i spitalit Fırat Uğur tha se marrëdhënia midis Boncuk dhe pronarit të tij tërhoqi vëmendjen e njerëzve.

Pas largimit nga spitali, Şentürk tha se ai ka një lidhje të ngushtë nëntë-vjeçare me Boncuk dhe i mungoi qeni gjatë trajtimit të tij.

“Ndonjëherë e shikoja nga dritarja e dhomës time të spitalit dhe i thërrisja emrin. Ai ishte duke lehur dhe po përpiqej të bënte që të dëgjohej. Ne u ribashkuam përsëri. Nëse ju tregoni vëmendje ndaj qenve, do të shihni të njëjtën afinitet”, tha Şentürk. /Telegrafi/