Agjencia e Statistikave të Kosovës (ASK) në një konferencë për media sot ka publikuar treguesit makroekonomikë dhe socialë gjatë vitit 2020 dhe krahasimet me vitin 2019.
Zëvendëskryeshefi ekzekutiv i ASK-së, Ilir Berisha, tha se ekonomia e Kosovës në periudhën janar-shtator 2020 në krahasim me periudhën e njëjtë të vitit 2019 shënoi rënie reale 5.6 për qind, teksa shkalla mesatare e inflacionit për periudhën 11 mujore 2020 me periudhën e njëjtë 2019 ishte 0.2 për qind.
“Eksportet e mallrave janë rritur 20 për qind krahasuar me periudhën e njëjtë të vitit 2019, importet kanë pasur rënie me 7 për qind. Bilanci tregtar ka vazhduar të jetë negativ, por i përmirësuar me 10.4 për qind dhe mbulimi i importit me eksport është rritur nga 11 në 15 për qind me një normë të rritjes 29 për qind”, tha ai.
Çmimet e prodhimit gjatë periudhës 11 mujore 2020 pësuan rënie mesatarisht 0.7 për qind krahasuar me periudhën e njëjtë 2019, derisa ato të importit pësuan rënie për periudhën 9-mujore 2020 krahasuar me periudhën e njëjtë të vitit 2019 me 2.2 për qind.
Rënie u shënua edhe te çmimet e kostos së ndërtimit për periudhën 9-mujore në një mesatare prej 0.6 për qind krahasuar me periudhën e njëjtë 2019.
Prodhimi i energjisë ndërkaq shënoi rritje 12.8 për qind, konsumi në amvisëri 6.6 për qind, por rënie u shënua te konsumi në industri me 13 për qind dhe konsumi në afarizëm me 10.9 për qind.
Në 9-muajt e parë të këtij viti, krahasuar me periudhën e njëjtë 2019, numri i fluturimeve ajrore shënoi rënie 58.6 për qind, numri i udhëtarëve me transport ajror 60.6 për qind, sasia e mallrave të transportuara në ton 36.2 për qind, ndërsa numri i udhëtarëve me transport hekurudhor shënoi rënie 51.2 për qind.
Edhe te numri i vizitorëve në hotele, gjatë periudhës 9- mujore 2020 krahasuar me periudhën e njëjtë 2019, pati rënie me 47.5%, numri i net-qëndrimeve 56.9 për qind, dhe po ashtu rënie u regjistrua edhe te numri i ndërmarrjeve të regjistruara prej 6.7 për qind.
Sipas statistikave vitale, të dhënat për periudhën 9-mujore 2020, krahasuar me periudhën e njëjtë 2019 janë: numri i lindjeve shënoi rënie 23.2 për qind, numri i vdekjeve shënoi rritje 9.5 për qind, kurorëzimet dhe shkurorëzimet shënuan rënie me 31.4 për qind, përkatësisht 73.6 për qind.
Ndryshe, në konferencë u bë e ditur se ASK ka punuar me intensitet të shtuar për përgatitjet e regjistrimit të popullsisë për vitin e ardhshëm në Kosovë.
Lufta Prigozhin - Putin
Më shumëNga Rubrika
Drejtori i Doganës së Kosovës në takim me drejtorët e përgjithshëm të doganave të Evropës
Osmani: Programi Kompakt, simbol i mbështetjes së SHBA-së për Kosovën
Lansohet programi Kompakti MCC-Kosovë mbi 236 milionë dollarësh për përmirësimin e energjisë elektrike
Fito udhëtim në çift me IP Petrol!
N’BAU krejt i gjen me zbritje këtë javë!
Lansohet programi Kompakti MCC-Kosovë mbi 236 milionë dollarësh për përmirësimin e energjisë elektrike
Relaksim në përjetësi, me “Holiday In 2” t’gjitha i ki
Zbritet çmimi i naftës dhe gazit në Kosovë, mbetet i pandryshuar ai i benzinës
Kosova arrin vlerësimin e parë kreditor sovran, Rukiqi i LDK-së: Duhet të shqetësohemi për kategorinë BB-
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës