Sondazhi i Pyper: Duke u bazuar në ngjarjet politike të vitit 2020, 77% e qytetarëve mendojnë se Kosova nuk është në rrugë të drejtë

Pyper, si platformë e specializuar për matjen e opinionit publik, në bashkëpunim me emisionin “Debat Plus”, që transmetohet në RTV Dukagjini, ka organizuar sondazhin e radhës.

Në këtë sondazh qytetarët janë pyetur në lidhje ngjarjet që shënuan vitin 2020 në Kosovë.

Rreth 66% e qytetarëve mendojnë se pandemia në Kosovë ka mundur të menaxhohet më mirë, 23% mendojnë se është menaxhuar mirë brenda mundësive derisa situate mund të kishte shkuar më keq mendojnë rreth 11%.

Vetëm 23% e qytetarëve mendojnë se Kosova është duke shkuar në rrugën e drejtë sa i përket zhvillimit të gjithmbarshëm, derisa 77% mendojnë se Kosova nuk është duke shkuar në rrugë të drejtë.

Mbi 45% e të anketuarve do të donin që formimi i Qeverisë Hoti të mos kishte ndodhur. Rreth 16% e qytetarëve gjatë këtij viti nuk do të dëshironin të kishin ndodhur ngjarjet e Speciales, derisa rreth 11% nuk do të donin që të ishte bërë Qeveria Kurti.

Ka qytetarë që si ngjarje të rëndë e kanë parë vjedhjen e dy milionëve apo shuarjen e task-forcës kundër korrupsionit.

Bëhuni pjesë e sondazheve tjera – shkarkoni aplikacionin Pyper (iOS)

Bëhuni pjesë e sondazheve tjera – shkarkoni aplikacionin Pyper (Android)

Rezultatet e detajuara të sondazhit të Pyper i gjeni në grafikët e mëposhtëm.