Bebe Rexha motivon të rinjtë që janë zhgënjyer nga mos-pranimi në kolegj: As unë nuk u pranova dikur, por tani ja ku jam

Këngëtarja shqiptare me famë botërore, Bebe Rexha, sot është një nga artistet më të njohur në arenën ndërkombëtare.

Megjithatë fillimet nuk ishin të lehta për të, si një vajzë e re që jetonte në New York e ishte rritur me sakrifica nga një familje shqiptare.

Ajo e ka nisur karrierën së bashku me Pete Wentz duke formuar grupin “Black Cards”, gjersa më vonë nisi karrierën e saj solo, ku famën më të madhe e mori si kompozitore e këngës “The Monster”, të interpretuar nga Rihanna dhe Eminem.

Me gjithë talentin që ka, Bebe Rexha dikur nuk ishte pranuar në një kolegj muzike në New York, dhe këtë e ka treguar së fundmi përmes një statusi në llogarinë e saj zyrtare në Twitter.

Lexo po ashtu "Ne i bëjmë dasmat kështu", Bebe Rexha improvizon vallëzimin tradicional shqiptar në emisionin e famshëm amerikan

Artistja shqiptare ka dashur të motivojë të gjithë ata që kanë dështuar të pranohen në një kolegj dhe ndjehen të zhgënjyer.

“Hej, nëse po aplikon për në kolegj dhe nuk pranohesh, thjesht doja të të njoftoja. Unë po vdisja për të hyrë në NYU, Manhattan School of Music dhe Juilliard. Nuk u pranova në asnjë prej tyre dhe bëra muzikë vetë. Ju nuk keni nevojë për një kolegj të zbukuruar për t’ju bërë të suksesshëm”, ka shkruar 31-vjeçarja.

Hey, if you are applying to college and don’t get accepted, just wanted to let you know. I was dying to get into NYU, Manhattan School of Music and Juilliard. I didn’t get accepted into any of them and made music on my own. You don’t need a fancy college to make you successful.

— Bebe Rexha (@BebeRexha) December 22, 2020

Bebe Rexha duket të jetë shembulli më i mirë i asaj se si me punë dhe përkushtim mund të arrihet gjithçka, ani nëse nuk ke ndonjë diplomë.

Artistja shqiptare përndryshe jo pak herë ka motivuar fansat e saj përmes mesazheve senibilizuese, duke ndarë detaje të ndryshme nga jeta e saj si “lufta me shëndetin mendor”, gjë të cilën ajo e quan në rregull. /Telegrafi/