Rezultatet e një studimi të ri nga shkencëtarët britanikë tregojnë qartë se aftësia e ulët kardio-respiratore dhe forca e dobët e muskujve shoqërohen me shëndet më të dobët mendor dhe se tek individët mund të ndikojnë në zhvillimin e simptomave të depresionit ose ankthit.
Një analizë e një studimi të kryer ndër më shumë se 150.000 pjesëmarrës ka treguar se fitnesi kardio-respiratore dhe forca e muskujve veçmas kontribuojnë në një rrezik në rritje të shëndetit më të dobët mendor, por lidhja më e qartë u gjet kur të dy faktorët ishin të përfshirë.
Pasi morën parasysh faktorë të tillë si mosha, gjinia, problemet e mëparshme mendore, pirja e duhanit, niveli i të ardhurave, arsimi dhe dieta, studiuesit arritën në përfundimin se edhe pas shtatë vjetësh, ekziston një lidhje e qartë midis aftësisë fillestare fizike të pjesëmarrësve dhe shëndetit të tyre mendor.
Midis pjesëmarrësve të studimit me kapacitet të ulët kardio-respirator dhe forcë më të dobët të muskujve, është vërejtur një rrezik 98 për qind më i lartë në zhvillimin e simptomave depresive dhe 60 për qind rrezik më i lartë në zhvillimin e simptomave të ankthit.
Ushtrimet e strukturuara të krijuara për të përmirësuar lloje të ndryshme të aftësisë fizike janë të mira si për forcën fizike ashtu edhe për atë mendore. Shqetësojnë raportet se njerëzit në kohën e pandemisë nuk janë më aq aktivë sa ishin më parë. Një shqetësim i veçantë është fakti se shumë salla dhe palestra janë të mbyllura, dhe koha që njerëzit mund të kalojnë jashtë shtëpisë është e kufizuar.
Aktiviteti fizik është një pjesë e rëndësishme e jetës sonë dhe mund të luajë një rol kryesor në parandalimin e çrregullimeve mendore. Inkurajues është fakti që aftësia fizike mund të përmirësohet relativisht shpejt – në më pak se tri javë. Kjo mund të zvogëlojë rrezikun e zhvillimit të problemeve të zakonshme mendore për 32.5 për qind. /Telegrafi/
Promo
Reklamo këtuLufta Prigozhin - Putin
Më shumëInvestoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak