Kjo 74-vjeçare sapo ka mbaruar kolegjin – së bashku me mbesën e saj

Se asnjëherë nuk është vonë për të marrë diplomën e kolegjit e ka dëshmuar edhe 74-vjeçarja
Pat Ormond.

Sipas CNN, përcjell Telegrafi, bëhet fjalë për gruan e cila tanimë ka një diplomë bachelor në antropologji – 42 vjet pasi mori klasën e saj të parë kolegj në vitin 1978.

Por familja Ormond kishte një tjetër të diplomuar nga Universiteti i Tenesit në Chattanooga (UTC) po atë ditë: Mbesa 22-vjeçare e Ormond, Melody.

“Gjithmonë e dija që do të diplomohesha”, thotë Melody Ormond. Por “unë kurrë nuk e dija se gjyshja ime do të ishte gjithashtu atje”.

Pat, e cila mbush 75 vjeç këtë muaj, mori klasën e parë të kolegjit në Universitetin Shtetëror Kennesaw në Atlanta.

Pas një semestri, ajo braktisi shkollën për të lëvizur në Chattanooga, Tenesi.

Ajo i kaloi disa dekadat e ardhshme duke punuar si llogaritare dhe duke rritur një familje, duke përfshirë babanë e Melody.

Dhe ndërsa bënte orët në UTC, ajo thotë se familja e saj vazhdoi ta inkurajonte atë që të kthehej për të përfunduar diplomën, veçanërisht pasi ajo doli në pension.

Pat shpreson se ajo mund të jetë një shembull për studentët e tjerë jo-tradicionalë të kolegjit që duan të marrin diplomat e tyre.

“Të mësuarit nuk ndalet kurrë”, tha Pat. “Kjo është diçka që babai im më nguliti në mendje kur isha më e re. Pavarësisht se çfarë bëni, të mësuarit nuk ndalet kurrë”.

Madje Pat nuk po planifikon të ndalet me kaq. Ajo tashmë po punon për një diplomë tjetër – një bachelor në histori.

Ndërkohë, mbesa e saj, e cila është duke kërkuar punë, është e interesuar të marrë një master në psikologjinë klinike, në mënyrë që ajo të bëhet këshilltare. /Telegrafi/