Tajlandë, fushat e mbjellura me oriz kthehen në vepra arti

Një fushë prej dy hektarësh në Tajlandën veriore është shndërruar në një vepër arti që përshkruan një dragua dhe një mace, simbole të shpresës dhe qëndrueshmërisë ndërsa komuniteti rimëkëmbet nga përmbytjet.

Pronari i fermës, Tanyapong Jaikham, tha se macja përfaqëson banorët e qytetit të tij të lindjes Chiang Rai, të cilët u përballën me përmbytje shkatërruese gjatë sezonit të musonit të vitit të kaluar.

Ndërsa dragoi shfaqet duke mbajtur në mënyrë mbrojtëse macen, përcjell Telegrafi.

Bëhet e ditur se Tanyapong, vetë një inxhinier automobilash, bashkëpunoi me 20 njerëz të tjerë, duke përfshirë miqtë dhe familjen për të krijuar dizajnin — duke përdorur edhe teknologjinë AI dhe imazhet satelitore — me bimë orizi.

Duke kërkuar planifikim dhe ekzekutim të përpiktë për një periudhë prej një muaji, vepra e artit i kushtoi atij rreth 14,500 dollarë për t’u krijuar.

“Arti kërkon vëmendje të madhe ndaj detajeve, kështu që ne duhej të ishim shumë të kujdesshëm”, tha Tanyapong.

“Por me ndihmën e teknologjisë së sotme, u bë më e lehtë”, shtoi ai. /Telegrafi/