Dy vite më parë fitoi miliona në lotari, pavarësisht kësaj gruaja nga Gjermania akoma punon si kamariere

Në tetor të vitit 2018, një grua anonime 48-vjeçe nga Gjermania që punon si kamariere, kishte fituar miliona në lotari.

Por pse kishte vazhduar punën si kamariere, gjatë një interviste dhënë për revistën zvicerane Blick, tregoi se për çfarë bëhet fjalë, transmeton Telegrafi.

Gruaja nga Gjermania ka shpjeguar se ku i ka shpenzuar paratë dhe pse ende punon si kameriere në një restorant në Argauu.

Shumën e majme të parave, fituesja anonime e ka ndarë me komunitetin zviceran në Argauu, ku edhe sot jeton.

Madje 23,7 milionë franga i kanë shkuar komunës, që ka ardhur edhe deri te zvogëlimi i shumës për shkak të tatimit prej 10%.

Modestinë e kësaj fituese anonime e tregon edhe fakti që e ka mbajtur punën si kameriere në restorant në Argauu.

“Akoma punoj si kamariere tri ditë në javë. Këtu jam nga vitit 2001 dhe ndihem për mrekulli. Paratë i kam investuar mençur. Një pjesë ka shkuar për komunën, e me pjesën tjetër kam ndërtuar shtëpi për veten dhe bashkëshortin si dhe kam blerë një BMW”, ka thënë fituesja anonime.

Ajo jeton në Argau të Zvicrës, por edhe gjermane ashtu sikurse edhe bashkëshorti i saj. /Telegrafi/