MSH-Maqedoni: 881 pacientë po mjekohen në repartet infektive, ka shtretër të lirë

Gjatë 24 orëve të kaluara në qendrat e kovidit në spitalet e vendit po mjekohen 881 pacientë pozitivë dhe të dyshuar me virus korona, njoftoi Ministria e Shëndetësisë.

Në spitalin e Manastirit janë të hospitalizuar 81 pacientë pozitivë dhe të dyshuar me Kovid-19. Në spitalin e Shtipit janë të hospitalizuar 65 pacientë. Në repartin infektiv në Tetovë ka 44 pacientë, në Veles po mjekohen 65 të sëmurë, ndërsa në Kumanovë 111 pacientë pozitivë dhe të dyshuar me KOVID-19. Në qendrën e kovidit në Ohër ka të hospitalizuar 105 pacientë, në Prilep 126, në qendrën e kovidit në Gostivar 61, ndërsa në Strugë 39 të sëmurë. Në spitalin në Strumicë janë të hospitalizuar 71 pacientë, në Koçan 24, në Kërçovë 20, Kavadar 46, në Gjevgjeli 17, ndërsa në Dibër nëntë pozitivë dhe të dyshuar në virus korona.

Numri i përgjithshëm i pacientëve pozitivë dhe të dyshuar me virus korona të cilët po mjekohen në repartet infektive në kryeqytet dhe në spitalet e vendit është 1.326 dhe ka rreth 160 shtretër të lirë në qendrat e kovidit.

Gjatë ditës lëshohen pacientë të shëruar me çka do të lirohen shtretër shtesë. Përndryshe, të gjitha repartet e spitaleve klinike kanë në dispozicion vende të cilat janë të furnizuara me oksigjen. Ministria e Shëndetësisë është në kontakt të vazhdueshëm me të gjitha spitalet dhe nëse ka nevojë, kapacitetet e reparteve të kovidit do të zgjerohen ende, qëndron në kumtesë.