Arta Nitaj: Nuk jam unë arsyeja pse ‘Burj Kfalifa” shfaqi flamurin kombëtar, por do ndjehesha krenare nëse kjo do arrihej falë meje

Më 28 nëntor për festën e Pavarësisë Shqipërisë, ndërtesa më e madhe në botë “Burj Khalifa”, mori ngjyrën e kuqe dhe shfaqi simbolin e shqiponjës së zezë.

Kjo dhuratë erdhi nga Dubai si një urim për shqiptarët, për 108 vjetorin e Pavarësisë së Shqipërisë.

E me t’u shfaqur kjo, në rrjetet sociale filluan edhe ironitë e shumta, ndër to edhe disa që shpreheshin se falënderues për këtë dhuratë duhet jemi ndaj vajzave që vizitojnë shpesh Dubain.

E në mesin e këtyre vajzave të përfolura është edhe Arta Nitaj, e cila në ditën e flamurit i ka ngacmuar ndjekësit e saj në rrjetet sociale, duke publikuar imazhin e “Burj Khalifa” në InstaStory, me mbishkrimin “Urime”.

Por në një intervistë të fundit në “Ky emër nuk ka nevojë për prezantim” në RTV Dukagjini, Arta ka treguar se gjithçka është bërë në dozat e humorit dhe se nuk ka qenë ajo arsyeja që ‘Burj Khalifa” mori atë pamje më 28 nëntor.

“Unë kam qef pak t’i ngacmoj ndjekësit se edhe mua më ngacmjnë shumë. Jo, unë nuk jam arsyeja edhe pse boll krenare do isha ndjerë. Jo, meritat i ka vendi vet, mirëpo me pas qenë meritore, do isha krenare”, është shprehur bukuroshja Nitaj.

E njëjta përgjatë emisionit ka shpjeguar se udhëtimet e saj në Dubai janë shumë të keqkuptuara dhe keqinterpretuara nga mediat dhe publiku, por që tashmë është bërë paksa “imune” ndaj thashethemeve dhe fjalëve të këqija. /Telegrafi/