Për televizionin Dukagjini politikani serb, Nenad Çanak, ka folur për procesin e dialogut mes Kosovës dhe Serbisë si dhe për Gjykatën Speciale ku po gjykohen ish luftëtarët e Ushtrisë Çlirimtare të Kosovës. Sipas tij, Kosova nuk duhet të pres që Serbia do e njoh si shtet të pavarur.
Lideri i Lidhjes së Socialdemokratëve të Vojvodinës, Nenad Çanak, nuk pret qe Serbia ta njoh pavarësinë e Kosovës.
“Ndryshimet në administratën amerikane, japin optimizëm që procesi i dialogut mes Kosovës dhe Serbisë mund të vazhdoj më shpejtë. Por unë e përsëris se nuk shoh një marrëveshje brenda vitit të ardhshëm mes palëve. Unë pres që ky proces së paku të zgjas deri sa të mbahen zgjedhjet presidenciale në Serbi, pas dy vitesh. Unë mendoj që Serbia kurrë nuk do ta njoh pavarësinë e Kosovës. Ata mund të bashkëpunojnë e të dialogojnë, por assesi ta njohin Kosovën si shtet të pavarur”, deklaroi për RTV Dukagjinin, Çanak.
Çanak thotë se disa herë e ka ngritur zërin në parlamentin serb që të zbulohen varrezat masive.
“Kur unë isha deputet në parlamentin e Serbisë 18 vjet më parë, e kam ngritur disa herë çështjen e varrezave masive. Ishin 16-sosh, por liderët tjerë hezitonin të flisnin për ketë temë, sepse kishin frikë se askush nuk do vinte të investonte në Serbi, vendin ku janë te fshehur trupa të njerëzve. Unë isha tmerruar kur i dëgjova këto arsye që u dhanë, që të mos zbulohej se ku janë trupat. Autoritet Serbe e dinë mirë se ku fshihen trupat e shqiptarëve, por mungon vullneti politik për t’i treguar”, thotë më tej Çanak.
Sipas Çanak do te ishte mirë për Kosovën, që të zbardhen krimet e luftës dhe se kjo do ndihmonte në përmirësim të imazhit.
“Unë kam qenë kundër tribunaleve ndërkombëtare. Për mua rruga e duhur do të ishte që Gjykatat vendore t’i dënonin kriminelet e luftës, por fatkeqësisht kjo nuk ka ndodhur. Kjo do të kishte ndihmuar edhe më shumë në demokratizimin e vendeve tona. Është shumë e rëndësishme që të zbulohen krimet e luftës nga pala Serbe, edhe nga pala kosovare, kushdo që ka bërë krime ndaj civileve duhet të dënohet”.
“Natyrisht që propaganda e regjimit të Milloseviqit ishte e madhe ku vazhdimisht dëgjonim se serbet civil po keqtrajtoheshin, ishin te ekzagjeruara, por nuk duhet ta mohojmë qe ka pasur edhe serb civil të vrarë, fati i tyre është mirë të zbardhet”.
Çanak ndër tjera tha se do te ishte shume e rëndësishme, jo vetëm për Serbinë por edhe për Kosovën që ti zbulojë te gjitha krimet për të cilat dyshohet te jene bere gjate viteve te luftës./Telegrafi/
Lufta Prigozhin - Putin
Më shumëPahor po përgatit një draft për dialogun Kosovë-Serbi, fillimisht dëshiron të koordinohet me Borrellin dhe vendet e QUINT-it
“Kursi më i vështirë i ushtrisë, stërviten deri në rraskapitje”, oficeri i FSK-së përfundon me sukses trajnimin Ranger në ShBA
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
Mbi 1600 persona të zhdukur nga lufta, Rohde thotë se në tri vitet e fundit nuk është bërë asnjë progres si shkak i bllokadës politike
Sa realist është anëtarësimi i Kosovës në KiE?
Masakra në Mejë “Srebrenica e Kosovës” - thirrja më e fuqishme e Kosovës për drejtësi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë