Sondazhi nga Pyper: 39 për qind e qytetarëve mendojnë se pandemia do të ndikojë që në zgjedhjet e Podujevës të ketë më pak votues

Pyper, si platformë e specializuar për matjen e opinionit publik, në bashkëpunim me emisionin “Debat Plus” që transmetohet në RTV Dukagjini, ka organizuar sondazhin e radhës.

Qytetarët në këtë sondazh janë pyetur për zgjedhjet lokale dhe preferencat e qytetarëve për kandidatët për kryetarë të komunave.

Pjesa më e madhe e të anketuarve [33%] nuk shohin ndonjë dallim nëse më i dobishëm është kandidati që i takon partisë në pushtet, opozitë apo i pavarur.

62% e të anketuarve mendojnë se qytetarët në zgjedhjet e ardhshme komunale do të votojnë kandidatin e ndonjë partie që nuk ka fituar në zgjedhjet e kaluara, derisa 38% mendojnë se qytetarët do të votojnë kandidatin e partisë fituese.

Më shumë se gjysma e qytetarëve [61%] mendojnë se kandidatët me profil akademik do të jenë më të suksesshëm në postin e kryetarit të komunës. 12% preferojnë që kryetarët e komunave të jenë nga bota e biznesit derisa 8% e qytetarëve  mendojnë se kryetari duhet të ketë profil patriotik.

39% e qytetarëve mendojnë se situata aktuale me coronavirus do të ndikojë në daljen e qytetarëve në zgjedhje, 37% nuk mendojnë se COVIDI do të ketë efekt në numrin e votuesve, derisa 24% e qytetarëve nuk e dinë nëse coronavirusi do të ketë impakt në zgjedhje.

Bëhuni pjesë e sondazheve tjera – shkarkoni aplikacionin Pyper (iOS)

Bëhuni pjesë e sondazheve tjera – shkarkoni aplikacionin Pyper (Android)

Rezultatet e detajuara të sondazhit të Pyper i gjeni në grafikët e mëposhtëm.