Mariçiq do ta prezantojë Qeverinë në takimet javore koordinuese në Kuvend

Qeveria sot në seancë ka sjellë vendim ministri i Drejtësisë, Bojan Mariçiq të marrë pjesë në takimet koordinuese javore në Kuvendin e Republikës së Maqedonisë së Veriut si përfaqësues i Qeverisë, në vend të Lupço Nikollovski, zëvendëskryeministër për Luftë Kundër Korrupsionit dhe Krimit.

“Në seancën e sotme, Qeveria konstatoi që të ndryshojë Konstatimin e sjellë në Seancën e parë të Qeverisë, të mbajtur më 1 shtator 2020, me të cilin Lupço Nikollovski është përcaktuar përfaqësues i Qeverisë nga radhët e ministrave, i cili do të marrë pjesë në takimet koordinuese të radhës në Kuvendin e RMV-së dhe e përcaktoi Bojan Mariçiq, ministër i Drejtësisë, Përfaqësues i Qeverisë nga radhët e ministrave, i cili do të marrë pjesë në takimet javore koordinuese në Kuvendin e RMV-së”, kumtoi sonte pres shërbimi qeveritar.

Gjithashtu, Qeveria ka sjellë edhe konstatim me të cilin ministri i Punëve të Jashtme, Bujar Osmani është caktuar për nënshkrimin e Marrëveshjes për partneritet, tregti dhe bashkëpunim midis Republikës së Maqedonisë së Veriut dhe Mbretërisë së Bashkuar të Britanisë së Madhe dhe Irlandës së Veriut, si edhe notat shoqëruese të implementimit të Marrëveshjes në kontekst të protokollit për Irlandën/Irlandën e Veriut midis BE-së dhe MB.

Qeveria në seancën e sotme, në fushëveprimin e çështjeve kadrovike e ka emëruar Zoran Petrovin Koordinator kombëtar për zbatimin e platformës kombëtare për uljen e rreziqeve prej fatkeqësive dhe katastrofave të RMV-së.